/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/12/28/uHzZyLSR7gE9pvS5trPB.jpg)
ഇന്ത്യയിലെ ആഡംബര കാര് വില്പന ഉയര്ന്നു.ഓരോ മണിക്കൂറിലും 50 ലക്ഷം രൂപയ്ക്ക് മുകളിലുള്ള ആറ് കാറുകളാണ് വിറ്റഴിച്ചതെന്ന് റിപ്പോര്ട്ട്
അടുത്ത വര്ഷം രണ്ട് ഡസനിലധികം പുതിയ മോഡലുകള് അവതരിപ്പിക്കാന് വാഹന നിര്മ്മാതാക്കള് പദ്ധതിയിടുന്നതോടെ ആഡംബര കാര് വിഭാഗം കൂടുതല് വളരുമെന്നാണ് പ്രതീക്ഷ. വളര്ച്ചാ നിരക്ക് മിതമായേക്കാമെങ്കിലും, വില്പന 50,000 യൂണിറ്റ് കവിയുമെന്നാണ് വ്യവസായ വിദഗ്ധര് ചൂണ്ടിക്കാട്ടുന്നത്.
മെഴ്സിഡസ് ബെന്സും ബിഎംഡബ്ല്യുവും വരും വര്ഷം വിപണിയെ നയിക്കാന് തയ്യാറെടുക്കുകയാണ്. മെഴ്സിഡസ്-ബെന്സ് ഇന്ത്യ ഈ വര്ഷം 20,000-ത്തോളം കാറുകളാണ് വിറ്റത്. ഈ വര്ഷത്തെ ആദ്യ ഒമ്പത് മാസങ്ങളില് 14,379 യൂണിറ്റുകള് വിറ്റഴിച്ച കമ്പനി വില്പ്പനയില് 13 ശതമാനം വര്ധന രേഖപ്പെടുത്തി.
ബിഎംഡബ്ല്യു ഇന്ത്യയും റെക്കോര്ഡ് വില്പ്പന രേഖപ്പെടുത്തി. ഇക്കഴിഞ്ഞ ജനുവരി മുതല് സെപ്തംബര് വരെ 10,556 വാഹനങ്ങളാണ് വില്പന നടത്തിയത്. ഇക്കാലയളവില് 5 ശതമാനം വര്ധനവാണ് രേഖപ്പെടുത്തിയത്. വിതരണ ശൃംഖലയിലെ പരിമിതികള് കാരണം ഓഡി ഇന്ത്യ വില്പ്പനയില് 16 ശതമാനം ഇടിവ് നേരിട്ടെങ്കിലും 2025-ല് ശക്തമായ വീണ്ടെടുക്കലിന് ഒരുങ്ങുകയാണ്. ആഡംബര കാറുകള് ഇന്ത്യന് ഓട്ടോമൊബൈല് വിപണിയുടെ 1 ശതമാനത്തില് കൂടുതലാണ്. ലോകമെമ്പാടുമുള്ള ഏറ്റവും കൂടുതല് ശതകോടീശ്വരന്മാരുള്ള രാജ്യങ്ങളിലൊന്നായതിനാല് ഇത് ഗണ്യമായ വളര്ച്ചാ സാധ്യതയെ സൂചിപ്പിക്കുന്നുവെന്ന് വിദഗ്ധര് വിശ്വസിക്കുന്നു.