ഡല്‍ഹിയില്‍ കനത്ത മഴയില്‍ മതില്‍ ഇടിഞ്ഞുവീണ് 7 മരണം

ന്യൂഡല്‍ഹി : ഡല്‍ഹിയിലെ ഹരി നഗറില്‍ ഉണ്ടായ കനത്ത മഴയില്‍ മതില്‍ ഇടിഞ്ഞുവീണ് ഏഴ് പേര്‍ മരിച്ചു.മൂന്ന് പുരുഷന്മാരും രണ്ട് സ്ത്രീകളും രണ്ട് പെണ്‍കുട്ടികളുമാണ് മരിച്ചത്.  ഷാബിബുള്‍ (30), റാബിബുള്‍ (30), മുട്ടു അലി (45), റുബിന (25), ഡോളി (25), റുക്സാന (6), ഹസീന (7) എന്നിവരാണെന്ന് തിരിച്ചറിഞ്ഞിട്ടുണ്ട്.ദേശീയ തലസ്ഥാനത്ത് രാത്രി മുഴുവന്‍ കനത്ത മഴ പെയ്തതിനാല്‍ പല പ്രദേശങ്ങളിലും വെള്ളക്കെട്ട് ഉണ്ടായി.ശനിയാഴ്ച രാവിലെ 8.30 വരെയുള്ള 24 മണിക്കൂറിനുള്ളില്‍ ഡല്‍ഹിയിലെ സഫ്ദര്‍ജംഗിലെ പ്രാഥമിക കാലാവസ്ഥാ കേന്ദ്രത്തില്‍ 78.7 മില്ലിമീറ്റര്‍ മഴയും, പ്രഗതി മൈതാനത്ത് 100 മില്ലിമീറ്റര്‍, ലോധി റോഡ് 80 മില്ലിമീറ്റര്‍, പുസയില്‍ 69 മില്ലിമീറ്റര്‍, പാലത്തില്‍ 31.8 മില്ലിമീറ്റര്‍ മഴയും രേഖപ്പെടുത്തിയതായി കാലാവസ്ഥാ വകുപ്പ് പങ്കിട്ട കണക്കുകള്‍ വ്യക്തമാക്കുന്നു.