പറന്നുയര്‍ന്ന് നിമിഷങ്ങള്‍ക്കുളളില്‍ തകര്‍ന്നുവീണു; മരണം 133; വിജയ് രൂപാണിയുടെ നില ഗുരുതരം

സര്‍ദാര്‍ വല്ലഭായ് പട്ടേല്‍ വിമാനത്താവളത്തില്‍ എത്തിയ പ്രധാനമന്ത്രി മഘാനിനഗര്‍ പ്രദേശത്തെ അപകടസ്ഥലത്തേക്കാണ് പോയത്.അപകട സ്ഥലത്ത് നിന്നും പ്രധാനമന്ത്രി, പരിക്കേറ്റവരെ ആശുപത്രിയിലെത്തി കണ്ടു.

നാല് ബിരുദ വിദ്യാര്‍ഥികളും ഒരു ബിരുദാനന്തര വിദ്യാര്‍ഥിയുമാണ് മരിച്ചത്.വിദ്യാര്‍ഥികള്‍ ഭക്ഷണം കഴിക്കുന്ന സമയത്താണ് വിമാനം തകര്‍ന്ന് വീണത്.നിരവധി വിദ്യാര്‍ഥികള്‍ക്ക് പരിക്കേല്‍ക്കുകയും ചെയ്തിട്ടുണ്ട്.

പത്തനംതിട്ട തിരുവല്ല പുല്ലാട് സ്വദേശിയായ രഞ്ജിത ആണ് മരിച്ചത്.യുകെയില്‍ നഴ്‌സായി ജോലി ചെയ്യുകയായിരുന്നു രഞ്ജിത.നാട്ടില്‍ ലീവിന് വന്നതായിരുന്നു രഞ്ജിത . രഞ്ജിതയുടെ അമ്മയും രണ്ട് മക്കളുമാണ് നാട്ടിലുളളത്.

അഹമ്മദാബാദില്‍ വിമാനം തകര്‍ന്നു വീണ സംഭവത്തില്‍ പ്രതികരിച്ച് പ്രധാനമന്ത്രി.വാക്കുകള്‍ക്കതീതം 'ഹൃദയഭേദകം' എന്നാണ് പ്രധാനമന്ത്രി പ്രതികപൃരിച്ചത്. ദുരിതബാധിതരെ സഹായിക്കാന്‍ മന്ത്രിമാരുമായും അധികാരികളുമായും താന്‍ ബന്ധപ്പെടുന്നുണ്ടെന്ന് അദ്ദേഹം പറഞ്ഞു.

അഹമ്മദാബാദിലെ ബിജെ മെഡിക്കല്‍ കോളേജിലെ വിദ്യാര്‍ഥികളുടെ ഹോസ്റ്റലിനുളളിലേക്കാണ് വിമാനം തകര്‍ന്നു വീണത്.അപകടവുമായി ബന്ധപ്പെട്ട് ചിത്രങ്ങള്‍ പുറത്തു വന്നിട്ടുണ്ട്.ഹോസ്റ്റലില്‍ അത്യാഹിതം സംഭവിച്ചതിനെ സംബന്ധിച്ച് വിവരങ്ങള്‍ പുറത്തു വന്നിട്ടില്ല.

യാത്രക്കാരൊപ്പം  ഗുഡജറാത്ത് മുന്‍ മുഖ്യമന്ത്രി വിജയ് രൂപാണിയും ഉണ്ടായിരുന്നു,അദ്ദേഹത്തിന്റെ നില ഗുരുതരമാണെന്നു സൂചനയുണ്ട്.യാത്രക്കാരില്‍ ആകെ 61 വിദേശ പൗരന്മാരുണ്ടായിരുന്നെന്നാണ് വിവരം, 53 യുകെ പൗരന്മാരും ഒരു കനേഡിയന്‍ പൗരനും 7 പോര്‍ച്ചുഗീസ്‌കാരും.

ഉച്ചയ്ക്ക് 1.38 ന് 5 മിനുറ്റ് പറന്നതിനുശേഷമാണ് വിമാനം തകര്‍ന്നു വീണത്.സര്‍ദാര്‍ വല്ലഭായ് പട്ടേല്‍ അന്താരാഷ്ട്ര വിമാനത്താവളം നിലവില്‍ താല്‍കാലികമായി അടക്കുകയാണെന്നും എല്ലാ  പ്രവര്‍ത്തനങ്ങളും ഇനിയൊരു അറിയിപ്പ് ഉണ്ടാകുന്നതുവരെ  നിര്‍ത്തിവച്ചിരിക്കുകയാണെന്നും അറിയിച്ചു.