ന്യൂഡൽഹി: അമർനാഥ് ഗുഹയിലെ ശിവലിംഗം ഉരുകാൻ തുടങ്ങിയെന്ന് റിപ്പോർട്ടുകൾ. ജൂൺ 29നാണ് അമർനാഥ് തീർത്ഥയാത്ര തുടങ്ങിയത്. മേഖലയിലെ കടുത്ത ഉഷ്ണതരംഗമാണ് ശിവലിംഗം ഉരുകുന്നതിന് കാരണമായിരിക്കുന്നതെന്ന് കാലാവസ്ഥാ വിദഗ്ധർ പറയുന്നു. അമർനാഥ് ഗുഹാക്ഷേത്രത്തിലെ മഞ്ഞുറഞ്ഞ് ഉണ്ടായ ശിവലിംഗം ഭക്തരെ ആകർഷിക്കുന്ന പ്രധാന ഘടകമാണ്. ഈ ഹിമലിംഗം കാണുക മഴക്കാലത്ത് മാത്രമാണ്. മഞ്ഞുകാലത്ത് ഇത് ഉരുകി ഇല്ലാതാകും. എന്നാൽ ഇത്തവണ തീർത്ഥാടനകാലത്തു തന്നെ ശിവലിംഗം ഉരുകുകയാണെന്ന് റിപ്പോർട്ടുകൾ പറയുന്നു.
Latest footage of Baba Barfani reveals a significant melting of the ice Shivling compared to previous visuals.
— Sanjiv K Pundir (@k_pundir) July 5, 2024
Additionally, over 1.20 lakh devotees visited Baba Barfani during the initial six days of the #Amarnath_Yatra pic.twitter.com/TaWe0aQfhf
കഴിഞ്ഞ കുറച്ച് ആഴ്ചകളായി താഴ്വാരത്തിൽ കടുത്ത ചൂടാണ് അനുഭവപ്പെടുന്നത്. ശിവലിംഗം ഉരുകി മെലിഞ്ഞതിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. അതെസമയം ഈ ദൃശ്യങ്ങളുടെ ആധികാരികത ഉറപ്പാക്കാൻ കഴിഞ്ഞിട്ടില്ല.
മതസൌഹാർദ്ദത്തിന്റെ കേന്ദ്രസ്ഥാനമായാണ് അമർനാഥ് ഗുഹയെ കാണുന്നത്. ഈ ഹിമലിംഗം കണ്ടെത്തിയത് മുസ്ലിങ്ങളായിരുന്നു. ഇവിടെ ഭക്തർ നൽകുന്ന കാണിക്കയുടേയും വഴിപാടിന്റെയും ഒരു ഓഹരി ഹിമലിംഗം കണ്ടെത്തിയ മുസ്ലിംകളുടെ സന്തതി പരമ്പരകൾക്ക് നൽകാറുണ്ട്. ഇവർ പകരമായി അമർനാഥിലേക്കുള്ള വഴി വർഷാവർഷം പുനർനിർമ്മാണം ചെയ്യും.