/kalakaumudi/media/agency_attachments/zz0aZgq8g5bK7UEc9Bb2.png)
ബില്ക്കിസ് ബാനു കേസില് ശിക്ഷിക്കപ്പെട്ട പ്രതികളുടെ ഇടക്കാല ജാമ്യാപേക്ഷ സുപ്രീം കോടതി തള്ളി. ഗോധ്രയില് 2002ല് നടന്ന കലാപത്തില് ബില്ക്കിസ് ബാനുവിനെ ബലാത്സംഗം ചെയ്യുകയും അവരുടെ കുടുംബത്തെ കൊലപ്പെടുത്തുകയും ചെയ്ത കേസില് ശിക്ഷിക്കപ്പെട്ട പ്രതികളായ രാധേശ്യാം ഭഗവന്ദാസ്. രാജുഭായ് ബാബുലാല് എന്നിവരുടെ ഹര്ജിയാണ് സുപ്രീം കോടതി തള്ളിയത്. പുതിയ റിമിഷന് ഹര്ജിയില് സുപ്രീം കോടതി വിധി വരുന്നത് വരെയായിരുന്നു ഭഗവാന്ദാസും ബാബുലാലും താല്ക്കാലിക ജാമ്യം തേടിയത്. കുറ്റവാളികളുടെ ഹര്ജി എങ്ങനെ നിലനില്ക്കുമെന്ന് സുപ്രീം കോടതി ചോദിച്ചു. ഹര്ജി നിലനില്ക്കില്ലെന്നും ശിക്ഷായിളവ് റദ്ദാക്കിക്കൊണ്ട് വിശാല ബെഞ്ച് പുറപ്പെടുവിച്ച വിധിയില് ഇടപെടാനാകില്ലെന്നും ജസ്റ്റിസ് ഖന്ന പറഞ്ഞു.ജനുവരിയിലെ വിധി ഭരണഘടനാ ബെഞ്ചിന്റെ 2002ലെ ഉത്തരവിന് വിരുദ്ധമാണെന്ന് ചൂണ്ടിക്കാട്ടിയാണ് കഴിഞ്ഞ മാര്ച്ചില് ഭഗവാന്ദാസും ബാബുലാലും കോടതിയെ സമീപിച്ചത്. ഗുജറാത്ത് സര്ക്കാര് തങ്ങള്ക്ക് അനുവദിച്ച ഇളവ് റദ്ദാക്കിയ വിഷയം വിശാല ബെഞ്ചിന് വിടണമെന്നും ഇവര് ആവശ്യപ്പെട്ടിരുന്നു.
ബില്ക്കിസ് ബാനു കേസ്: പ്രതികളുടെ ഇടക്കാല ജാമ്യാപേക്ഷ തള്ളി
ബില്ക്കിസ് ബാനു കേസില് ശിക്ഷിക്കപ്പെട്ട പ്രതികളുടെ ഇടക്കാല ജാമ്യാപേക്ഷ സുപ്രീം കോടതി തള്ളി. പ്രതികളായ രാധേശ്യാം ഭഗവന്ദാസ്, രാജുഭായ് ബാബുലാല് എന്നിവരുടെ ഹര്ജിയാണ് സുപ്രീം കോടതി തള്ളിയത്.
New Update
00:00/ 00:00