റിപ്പബ്ലിക് ദിന ആഘോഷങ്ങള്‍ അവസാനിപ്പിച്ച് വാഗാ അതിര്‍ത്തിയില്‍ പ്രത്യേക ബീറ്റിംഗ് റിട്രീറ്റ്

76-ാമത് റിപ്പബ്ലിക് ദിനത്തോടനുബന്ധിച്ച്, ബിഎസ്എഫിന്റെ ആക്ടിംഗ് ഡിഐജി ഹര്‍ഷ് നന്ദന്‍ ജോഷി എല്ലാ അതിര്‍ത്തി സുരക്ഷാ സേനാംഗങ്ങള്‍ക്കും അവരുടെ കുടുംബങ്ങള്‍ക്കും ആശംസകള്‍ നേര്‍ന്നു

author-image
Biju
New Update
sgfd

Attari-Wagah border

അമൃത്സര്‍ : ദേശസ്‌നേഹ മുദ്രാവാക്യങ്ങള്‍ മുഴക്കിക്കൊണ്ട് വാഗാ അതിര്‍ത്തിയില്‍ ബിഎസ്എഫിന്റെ ശക്തി പ്രകടനം. രാജ്യത്തിന്റെ 76-ാമത് റിപ്പബ്ലിക് ദിനത്തോടനുബന്ധിച്ച് പഞ്ചാബിലെ അമൃത്സറിലെ അട്ടാരി-വാഗാ അതിര്‍ത്തിയില്‍ ബീറ്റിംഗ് റിട്രീറ്റ് ചടങ്ങ് സംഘടിപ്പിച്ചു. 

ഇന്ത്യയുടെ ആദ്യ പ്രതിരോധ സേനയായ ബോര്‍ഡര്‍ സെക്യൂരിറ്റി ഫോഴ്‌സ് റിപ്പബ്ലിക് ദിനം പ്രമാണിച്ച് ആണ് ജനുവരി 26ന് വൈകിട്ട് പ്രത്യേക ബീറ്റിംഗ് റിട്രീറ്റ് നടത്തിയത്. ഇന്നത്തെ റിപ്പബ്ലിക് ദിന ആഘോഷങ്ങള്‍ അവസാനിപ്പിക്കുന്ന ചടങ്ങ് കൂടിയായിരുന്നു ഇത്.

ഇന്ത്യയുടേയും പാകിസ്താന്റേയും അതിര്‍ത്തിയായ വാഗ അതിര്‍ത്തിയില്‍ ദിനവും വൈകീട്ട് ഇരുഗേറ്റുകളും തുറന്ന് പതാക ഇറക്കുന്ന ചടങ്ങാണ് ബീറ്റിംഗ് റിട്രീറ്റ്. റിപ്പബ്ലിക് ദിനത്തോടനുബന്ധിച്ച് ഇന്ന് നടന്ന ബീറ്റിംഗ് റിട്രീറ്റ് കാണുന്നതിനായി വന്‍ ജനക്കൂട്ടമാണ് സന്നിഹിതരായിരുന്നത്. 

76-ാമത് റിപ്പബ്ലിക് ദിനത്തോടനുബന്ധിച്ച്, ബിഎസ്എഫിന്റെ ആക്ടിംഗ് ഡിഐജി ഹര്‍ഷ് നന്ദന്‍ ജോഷി എല്ലാ അതിര്‍ത്തി സുരക്ഷാ സേനാംഗങ്ങള്‍ക്കും അവരുടെ കുടുംബങ്ങള്‍ക്കും ആശംസകള്‍ നേര്‍ന്നു.

ഇന്ന് സന്തോഷത്തിന്റെയും അഭിമാനത്തിന്റെയും ദിനമാണെന്നും അദ്ദേഹം പറഞ്ഞു. ഇന്ത്യയുടെ സ്വാതന്ത്ര്യത്തിനും അഭിമാനത്തിനും വേണ്ടി ജീവന്‍ ബലിയര്‍പ്പിച്ച ധീര സൈനികരെയും ദേശസ്‌നേഹികളെയും അനുസ്മരിക്കുന്ന ദിനമാണിത്. 

രാജ്യത്തിന്റെ ഐക്യവും അഖണ്ഡതയും നിലനിര്‍ത്താന്‍ സാധ്യമായ എല്ലാ ശ്രമങ്ങളും നടത്തണമെന്ന് ഇവിടെ സന്നിഹിതരായ എല്ലാവരോടും ഞാന്‍ അഭ്യര്‍ത്ഥിക്കുന്നു എന്നും ഹര്‍ഷ് നന്ദന്‍ ജോഷി വ്യക്തമാക്കി.