കയറ്റുമതിയും, മൂലധന പ്രവാഹവും കുറയുന്നത് ഇതില്‍ പ്രധാനമാണ്

സര്‍ക്കാരിന്റെ ചെലവുകള്‍ ദീര്‍ഘകാലാടിസ്ഥാനത്തില്‍ സുസ്ഥിരമാക്കുന്നതിന് ധനക്കമ്മി കുറയ്ക്കേണ്ടതിന്റെയും, റവന്യൂ വരുമാനത്തെ ആശ്രയിക്കേണ്ടതിന്റെയും ആവശ്യകത സര്‍വേ എടുത്തുപറയുന്നു. ഉയര്‍ന്ന ധനക്കമ്മി മാക്രോ ഇക്കണോമിക് അസ്ഥിരതയ്ക്ക് കാരണമാകാം

author-image
Biju
New Update
AHYTD

Rep. Img.

ന്യൂഡല്‍ഹി: സാമ്പത്തിക സര്‍വെ പൊതുവേ പോസിറ്റീാവ് ഊര്‍ജം പകരുന്നുവെന്നതാണ് പൊതുവിലയിരുത്തല്‍. എന്നാല്‍ ചില വെല്ലുവിളികളും സമ്പദ്വ്യവസ്ഥ നേരിടുന്നു. ഈ അപകടസാധ്യതകള്‍ പൂര്‍ണമായും കണ്ടില്ലെന്നു നടിക്കാവുന്നവയല്ല. സാധ്യതയുള്ള 10 വെല്ലുവിളികള്‍ ഒന്നു നോക്കാം.

ആഗോള സാമ്പത്തിക മാന്ദ്യം: ആഗോള സമ്പദ്‌വ്യവസ്ഥയില്‍ പ്രതീക്ഷിച്ചതിലും രൂക്ഷമായ മാന്ദ്യം നിലനില്‍ക്കുന്നു. ഇത് ഇന്ത്യയുടെ വളര്‍ച്ചാ സാധ്യതകള്‍ക്കും, പ്രതീക്ഷകള്‍ക്കും പ്രതികൂലമാകാം. കയറ്റുമതിയും, മൂലധന പ്രവാഹവും കുറയുന്നത് ഇതില്‍ പ്രധാനമാണ്.
    ജിയോപൊളിറ്റിക്കല്‍ റിസ്‌കുകള്‍: റഷ്യ- യുക്രൈന്‍ സംഘര്‍ഷം, മറ്റു ഭൗമരാഷ്ട്രീയ പിരിമുറുക്കങ്ങള്‍ എന്നിവ വിതരണ ശൃംഖലയെ തടസപ്പെടുത്താം. ഇതു ചരക്ക് വില വര്‍ദ്ധിപ്പിക്കുകയും, നിക്ഷേപകരുടെ വികാരം വൃണപ്പെടുത്തുകയും ചെയ്യും.
    പണപ്പെരുപ്പ സമ്മര്‍ദ്ദം: പണപ്പെരുപ്പം നിലവില്‍ നിയന്ത്രണ വിധേയമാണെന്നു സര്‍ക്കാര്‍ പറയു്ന്നു. എന്നാല്‍ കാലാവസ്ഥ വ്യതിയാനം ഭക്ഷ്യവില ഉയര്‍ത്താം. ആഗോള ചരക്ക് വിലയിലെ ഉയര്‍ച്ചയും വെല്ലുവിളി തന്നെ. ആര്‍ബിഐ ഇതുവരെ നിരക്കുകള്‍ കുറയ്ക്കാന്‍ തയ്യാറാക്കാത്തതും പണപ്പെരുപ്പ ആശങ്ക കാരണം തന്നെ.
    ധനക്കമ്മി: സര്‍ക്കാരിന്റെ ചെലവുകള്‍ ദീര്‍ഘകാലാടിസ്ഥാനത്തില്‍ സുസ്ഥിരമാക്കുന്നതിന് ധനക്കമ്മി കുറയ്ക്കേണ്ടതിന്റെയും, റവന്യൂ വരുമാനത്തെ ആശ്രയിക്കേണ്ടതിന്റെയും ആവശ്യകത സര്‍വേ എടുത്തുപറയുന്നു. ഉയര്‍ന്ന ധനക്കമ്മി മാക്രോ ഇക്കണോമിക് അസ്ഥിരതയ്ക്ക് കാരണമാകാം.
    ഉല്‍പ്പാദനമേഖലയിലെ വെല്ലുവിളികള്‍: ആഗോളതലത്തില്‍, പ്രത്യേകിച്ച് ചൈനയുമായുള്ള മത്സരം ഇന്ത്യയുടെ ഉല്‍പ്പാദന മേഖലയ്ക്ക് വെല്ലുവിളിയാണ്. ആഭ്യന്തര ഉല്‍പ്പാദനം ഉത്തേജിപ്പിക്കുന്നതിനും, ആഗോള ഉല്‍പ്പാദനത്തില്‍ അതിന്റെ പങ്ക് വര്‍ദ്ധിപ്പിക്കുന്നതിനും കൂടുതല്‍ നയങ്ങള്‍ ആവശ്യമാണ്.
    തൊഴിലവസരങ്ങള്‍ സൃഷ്ടിക്കല്‍: തൊഴില്‍ വിപണി മെച്ചപ്പെടുമ്പോള്‍ വളരുന്ന തൊഴില്‍ ശക്തിയെ സ്വാംശീകരിക്കാന്‍ കൂടുതല്‍ കാര്‍ഷികേതര തൊഴിലവസരങ്ങള്‍ സൃഷ്ടിക്കേണ്ടതുണ്ട്. എഐ, സാങ്കേതികവിദ്യ മേഖലകളില്‍ സര്‍വെ ഊന്നല്‍ നല്‍കുന്നു.
    സാമ്പത്തിക മേഖലയിലെ അപകടങ്ങള്‍: നയത്തിലും, മാക്രോ ഇക്കണോമിക് ഫലങ്ങളിലും ആധിപത്യം പുലര്‍ത്തുന്ന അമിതമായ സാമ്പത്തികവല്‍ക്കരണത്തിനെതിരെ സര്‍വെ മുന്നറിയിപ്പ് നല്‍കുന്നു. സാമ്പത്തിക മേഖലയുടെ വികസനത്തിനും, നിയന്ത്രണത്തിനും സമതുലിതമായ സമീപനത്തിന്റെ ആവശ്യകത വ്യക്തമാക്കുന്നതാണിത്.
    കാലാവസ്ഥാ വ്യതിയാനം: കാലാവസ്ഥാ വ്യതിയാനം കൃഷിയിലും, ഭക്ഷ്യ ഉല്‍പ്പാദനത്തിലും വര്‍ധിച്ചുവരുന്ന ആഘാതം ചൂണ്ടിക്കാട്ടുന്നു. കാലാവസ്ഥാ വ്യതിയാനത്തെ പ്രതിരോധിക്കുന്ന കൃഷിരീതികളുടെയും, ഗവേഷണത്തിലും, വികസനത്തിലും നിക്ഷേപം നടത്തേണ്ടതുണ്ട്.
    സാമൂഹിക മേഖലയിലെ ആശങ്കകള്‍: സാമൂഹിക സേവനങ്ങള്‍ക്കുള്ള ചെലവ് വര്‍ധിക്കുന്നു. എന്നിട്ടും വിദ്യാഭ്യാസം, ആരോഗ്യം, ദാരിദ്ര്യ നിര്‍മാര്‍ജനം തുടങ്ങിയ മേഖലകളില്‍ വെല്ലുവിളികള്‍ നിലനില്‍ക്കുന്നു. ഇവിടെ കൂടുതല്‍ ശ്രദ്ധയും, ലക്ഷ്യബോധമുള്ള ഇടപെടലുകളും ആവശ്യമാണ്.
    പ്രാദേശിക അസമത്വങ്ങള്‍: ഇന്ത്യയുടെ എല്ലാ മേഖലകളിലും സാമ്പത്തിക വളര്‍ച്ച ഒരുപോലെയല്ല. ചില സംസ്ഥാനങ്ങള്‍ പിന്നിലാണെന്ന് വളരെ പിന്നിലാണ്. പ്രാദേശിക അസന്തുലിതാവസ്ഥ പരിഹരിക്കേണ്ടതുണ്ട്. ഇതിനു പുതിയ നയങ്ങള്‍ ആവശ്യമാണ്. 

 

budget