ബ്രാഹ്മണ സമൂഹത്തെ കുറിച്ച് വിവാദ പരാമർശം:അനുരാഗ് കശ്യപിനെതിരെ പോലീസിൽ പരാതി ലഭിച്ചു

മുംബൈ:ബ്രാഹ്മണ സമൂഹത്തെക്കുറിച്ച് അവഹേളനപരവും ജാതീയവുമായ പരാമർശം നടത്തിയതിന് നടനും ചലച്ചിത്ര നിർമ്മാതാവുമായ അനുരാഗ് കശ്യപിനെതിരെ ഏപ്രിൽ 18ന് ഔദ്യോഗികമായി പരാതി ലഭിച്ചു. ഗാങ്‌സ് ഓഫ് വാസിപൂർ സംവിധായകനെതിരെ എഫ്‌ഐആർ രജിസ്റ്റർ ചെയ്യണമെന്ന് ആവശ്യപ്പെട്ടാണ് മുംബൈ പോലീസിൽ ലഭിച്ച പരാതി. പരാതിക്കാരനായ അശുതോഷ് ജെ ദുബെ ഒരു അഭിഭാഷകനും ബിജെപി മഹാരാഷ്ട്രയുടെ നിയമ ഉപദേശക വകുപ്പിന്റെ തലവനുമാണ്. അനുരാഗ് നടത്തിയ വിവാദ പരാമർശത്തെ തുടർന്ന് സോഷ്യൽ മീഡിയയിൽ പ്രതിഷേധം ആളിക്കത്തുകയാണ്, നിരവധി ആക്ടിവിസ്റ്റുകളും സാമൂഹ്യ സാംസ്കാരിക പ്രവർത്തകരും പ്രസ്താവനയെ ഇത് കുറ്റകരവും ജാതി അടിസ്ഥാനമാക്കിയുള്ള വിദ്വേഷം പ്രോത്സാഹിപ്പിക്കുന്നതുമാണെന്ന് അപലപിച്ചു.