കോണ്‍ഗ്രസ് നേതാവ് രാഹുല്‍ ഗാന്ധി വോട്ടുകൊള്ള ആരോപണത്തില്‍ പരാമര്‍ശിച്ച ബ്രസീല്‍ മോഡല്‍ പ്രതികരണവുമായി രംഗത്തെത്തി.

ന്യൂഡൽഹി: കോൺഗ്രസ് നേതാവ്  രാഹുൽ ഗാന്ധി ഇന്നലെ നടത്തിയ ഹരിയാന നിയമസഭാ തിരഞ്ഞെടുപ്പിലെ  വോട്ടുകൊള്ള ആരോപണത്തിൽ പരാമർശിച്ച  ബ്രസീലിയൻ മോഡൽ ലാരിസ്സ നവമാധ്യമത്തിലൂടെ പ്രതികരണവുമായി രംഗത്തെത്തി.

തന്നെ തട്ടിപ്പിനായി ഉപയോഗിച്ചത്  വളരെയധികം  ഞെട്ടിച്ചു എന്നും ഇതെന്തു ഭ്രാന്താണെന്ന് മനസ്സിലാവുന്നില്ലെന്നും ലാരിസ്സ അഭിപ്രായപ്പെട്ടു.

രാഹുൽഗാന്ധിയുടെ വാർത്താ സമ്മേളനത്തിന്റെ തുടക്കത്തിലായിരുന്നു വോട്ടർപട്ടികയിൽ കടന്നു കൂടിയ ബ്രസീലിയൻ മോഡലിന്റെ ചിത്രം രാഹുൽ പ്രദർശിപ്പിച്ചത്.

സീമ, സ്വീറ്റി, സരസ്വതി, രശ്മി, വിൽമ തുടങ്ങി വ്യത്യസ്ത പേരുകളിലായി ഒരേ ചിത്രത്തിൽ വോട്ടർപട്ടികയിൽ ഇടം നേടി 10 ബൂത്തുകളിലായി 22 വോട്ടുകൾ രേഖപ്പെടുത്തിയെന്നായിരുന്നു രാഹുലിന്റെ അവകാശവാദം

.ഇതിനെതിരെയാണ് ബ്രസീലിയൻ മോഡൽ രംഗത്തെത്തിയത് .