/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/08/07/crpf-2025-08-07-13-06-38.jpg)
ശ്രീനഗര്‍ : ജമ്മു കശ്മീരില്‍ സിആര്‍പിഎഫ് സൈനികര്‍ സഞ്ചരിച്ച വാഹനം കൊക്കയിലേക്ക് മറിഞ്ഞ് മൂന്ന് സൈനികര്‍ക്ക് വീരമൃതു. സംഭവത്തില്‍ 15 പേര്‍ക്ക് പരിക്കേറ്റു. രാവിലെ പത്തരയോടെ ഉദ്ദം പൂരില്‍ കഡ്വ-ബസന്ത്ഗഢ് മേഖലയിലായിരുന്നു അപകടം. പരിക്കേറ്റവരെ ആശുപത്രിയിലേക്ക് മാറ്റി. അപകടത്തിന്റെ കാരണം എന്താണെന്ന് വ്യക്തമല്ല.അപകടം നടന്നതായി റിപ്പോര്‍ട്ട് ലഭിച്ച ഉടന്‍ തന്നെ സംഭവ സ്ഥലത്തേക്ക് പൊലീസ് സംഘം എത്തുകയും രക്ഷാപ്രവര്‍ത്തനം നടത്തുകയും ചെയ്തതായി ഉദ്ദം പൂര്‍ അഡീഷണല്‍ എസ്പി സന്ദീപ് ഭട്ട് പറഞ്ഞു. പരിക്കേറ്റവരെ സമീപത്തുള്ള ആശുപത്രിയിലേക്ക് മാറ്റിയതായും അദ്ദേഹം പറഞ്ഞു. ബസ് കൊക്കയിലേക്ക് മറിഞ്ഞുണ്ടായ അപകടത്തില്‍ മൂന്ന് സിആര്‍പിഎഫ് ജവാന്മാര്‍ വീരമൃത്യു വരിച്ചതായും സംഭവത്തില്‍ ദു:ഖം രേഖപ്പെടുത്തുന്നതായും കേന്ദ്രമന്ത്രി ജിതേന്ദ്ര സിങ് സാമൂഹിക മാധ്യമമായ എക്‌സില്‍ കുറിച്ചു.