നർത്തകി ശ്വേതാ വാരിയരുടെ നൃത്തം മെയ് 4 ന് ഗുരുവായൂരിൽ

മുംബൈ മലയാളിയും പുതു തലമുറയിലെ നർത്തകിയും സ്ട്രീറ്റ് ഓ ക്‌ളാസിക്കൽ എന്ന നൃത്തശൈലിയുടെ ആദ്യ ഗുരുവുമായ ശ്വേതാ വാരിയരുടെ നൃത്തം മെയ് 4 ഞായറാഴ്ച രാവിലെ 9 മണിക്ക് ഗുരുവായൂർ മേൽപ്പത്തൂർ ഓഡിറ്റോറിയത്തിൽ അരങ്ങേറും. കേരളത്തിലെ കൊടുങ്ങലൂരിൽ ജനിച്ച് മുംബയിൽ വളർന്ന ശ്വേതാ വാരിയർ അമ്മ അംബിക വാരസ്യാരിൽ നിന്നാണ് ചെറുപ്പം മുതൽ ഭരതനാട്യം അഭ്യസിക്കാൻ തുടങ്ങിയത് . ഒഡീഷയിലെ കട്ടക്കിൽ നിന്നും നൃത്യശ്രേഷഠ , ആന്ധ്രപ്രദേശിലെ ചിലകലൂരി പെട്ടിൽ നിന്നും നാട്യ മയൂരി പുരസ്കാരങ്ങൾ അടക്കം 15 വയസ്സിനുള്ളിൽ 20 ലധികം ദേശീയ പുരസ്‌കാരങ്ങൾ നേടിയിട്ടുണ്ട്. മലയാളത്തിൽ അമൃത സൂപ്പർ ഡാൻസർ ജൂനിയർ ജൂനിയർ , മഴവിൽ മനോരമയിലെ ഡി ഫോർ ഡാൻസ് , സീ കേരളയിലെ ഡാൻസ് ഷോ എന്നിവയിലും തെലുങ്കിൽ ' ഇ ' ചാനലിൽ ധീ ഡാൻസ് ഷോയിലും ശ്വേതാ വാരിയർ പങ്കെടുത്തിട്ടുണ്ട് . ഹിന്ദി ചാനലായ സോണി ചാനലിലെ ഇന്ത്യാസ് ബേസ്റ്റ് ഡാൻസർ സീസൺ 1 ലാണ് ശ്വേതാ വാരിയർ പ്രശസ്തിയിൽ എത്തുന്നത് . ക്‌ളാസിക്കൽ നൃത്തമായ ഭാരതനാട്യവും സ്ട്രീറ്റ് ശൈലിയായ ഹിപ്ഹോപ്പും ഇഴചേർത്ത്‌ ശ്വേത രൂപപ്പെടുത്തിയ ' സ്ട്രീറ്റ് ഓ ക്‌ളാസിക്കൽ ' എന്ന നൃത്ത രീതി ഇന്ത്യയുടെ ഇന്റർനാഷണൽ നൃത്തരൂപമായാണ് അറിയപ്പെടുന്നത് . ഗോവയിലെ സെറാൻഡിപെട്ടി ഫെസ്റ്റിവലിലും , മുംബയിലെ കാലാഘോഡ ഫെസ്റ്റിവലിലും ശ്വേതാ വാരിയർ ' സ്ട്രീറ്റ് ഓ ക്‌ളാസിക്കൽ ' നൃത്തം അവതരിപ്പിച്ചിട്ടുണ്ട് . പൂനാ ഫിലിം ഇൻസ്റ്റിറ്റിയൂട്ടിലെ വിദ്യാർത്ഥികളുടെ സിനിമയായ 'പോച്ചമ്മ ' യിൽ നായികയായി അഭിനയിച്ചിട്ടുണ്ട്. (2022 ) . കൊക്ക കോള , സൺ സിൽക്ക്, പൂമ ഷൂസ് തുടങ്ങിയ പ്രമുഖ ഉൽപ്പങ്ങളുടെ സോഷ്യൽ മീഡിയ പരസ്യങ്ങളിലും, ടി സിരീസ് , ആർട്ടിസ്റ്റ് ഫസ്റ്റ് തുടങ്ങിയ മികച്ച ബാനറുകളുടെ മ്യുസിക്‌ ആൽബങ്ങളിലും ശ്വേതാ വാരിയരുടെ നൃത്തം ട്രെൻഡിങ് ആണ്. ഇപ്പോൾ ഹിന്ദി ചാനലുകളിൽ കൊറിയോഗ്രാഫറായി പ്രവർത്തിക്കുന്ന ശ്വേത ഇന്ത്യയിലും വിദേശത്തും പരിശീലന ക്‌ളാസ്സുകളും നടത്തുന്നു.വിക്രം വേദ എന്ന സിനിമയിൽ ഗണേഷ് ഹെഗ്ഡെക്കൊപ്പം നൃത്ത സംവിധാന സഹായിയായി പ്രവർത്തിച്ചിട്ടുണ്ട് . ഗുരുവായൂരിൽ ആദ്യമായാണ് ശ്വേത നൃത്തമവതരിപ്പിക്കുന്നത്.