/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2026/01/11/galblad-2026-01-11-13-33-53.jpg)
ഗുവാഹത്തി: കരളിന് താഴെയുള്ള പിത്താശയത്തില് അസാധാരണ കോശങ്ങള് വളരുന്ന ഒരപൂര്വ അര്ബുദമാണ് പിത്താശയ ക്യാന്സര്. ഇത് പലപ്പോഴും രോഗലക്ഷണങ്ങളില്ലാതെ തുടങ്ങുന്നതിനാല് രോഗം വഷളായ ശേഷം കണ്ടെത്താനാണ് സാധ്യത കൂടുതല്. എന്നാല് ആസാമിലെ തേസ്പൂര് സര്വകലാശാലയില് നിന്നുള്ള ഒരു സമീപകാല പഠനം, പിത്താശയ കാന്സറിനെ പ്രാരംഭ ഘട്ടങ്ങളില് തിരിച്ചറിയാന് സഹായിക്കുന്ന രക്തത്തിലെ രാസമാറ്റങ്ങളെ കുറിച്ചുള്ള പുതിയ തെളിവുകള് മുന്നോട്ട് വച്ചിരിക്കുകയാണ്.
പിത്താശയ കാന്സര് മാരകമായ ഒരു രോഗമായി മാറിയിരിക്കുകയാണ്. പ്രത്യേകിച്ച് വടക്കുകിഴക്കന് ഇന്ത്യയില്, ഈ കാന്സര് ഏറ്റവും സാധാരണമായ മൂന്നാമത്തെ മാരകമായ രോഗമാണ്.
അസിസ്റ്റന്റ് പ്രൊഫസര് പങ്കജ് ബരാഹിന്റെയും ഗവേഷണ പണ്ഡിതനായ സിന്മോയി ബറുവയുടെയും നേതൃത്വത്തിലുള്ള ഗവേഷണ സംഘം, അമേരിക്കന് കെമിക്കല് സൊസൈറ്റിയുടെ ജേണല് ഓഫ് പ്രോട്ടിയോം റിസര്ച്ചിലാണ് തങ്ങളുടെ കണ്ടെത്തലുകള് പ്രസിദ്ധീകരിച്ചത്.
ഗവേഷണത്തിലെ പ്രധാന കണ്ടെത്തലുകള്
പിത്തസഞ്ചിയില് കല്ലുകള് ഉള്ളവരിലും ഇല്ലാത്തവരിലും രക്തത്തിലുണ്ടാകുന്ന വ്യത്യസ്തമായ 'മെറ്റബോളിക് സിഗ്നേച്ചറുകള്' കണ്ടെത്തുന്നതിലായിരുന്നു ഗവേഷകര് ശ്രദ്ധ കേന്ദ്രീകരിച്ചത്.
രക്തത്തിലെ ക്രിയേറ്റിനിന് രാസവസ്തുക്കളിലെ (മെറ്റബോളൈറ്റ്സ്) മാറ്റങ്ങള് പിത്താശയക്കല്ലുകള് ഉള്ളതും ഇല്ലാത്തതുമായ പിത്താശയ കാന്സര് കേസുകളെ വ്യക്തമായി വേര്തിരിച്ചറിയാന് സഹായിക്കും. ഇത് നേരത്തെ കണ്ടെത്തുന്നതിന് സഹായിക്കുന്ന ലളിതമായ രക്താധിഷ്ഠിത പരിശോധനകള് വികസിപ്പിക്കുന്നതിനുള്ള സാധ്യതകള് ഉയര്ത്തുന്നതായി പങ്കജ് ബരാഹ് പറഞ്ഞു.
അസമില് പിത്താശയ കാന്സറുകളുടെ എണ്ണത്തില് ഇനിയും കാര്യമായ വര്ധവുണ്ടാകുമെന്നാണ് പ്രവചനം. അതിനാല് തന്നെ രോഗം നേരത്തെ തിരിച്ചറിയാനുള്ള മാര്ഗങ്ങള് കണ്ടെത്തേണ്ടത് അടിയന്തര ആവശ്യമായി മാറിയിരിക്കുകയാണ്.
പിത്തസഞ്ചിയിലെ കല്ലുകള് ഒരു അപകട ഘടകമാണെന്ന് അംഗീകരിക്കപ്പെട്ടിട്ടുണ്ടെങ്കിലും, പലര്ക്കും പിത്തസഞ്ചിയില് കല്ലുകള് ഉണ്ടാകാതെ തന്നെ കാന്സര് വികസിക്കുന്നതായുള്ള കണ്ടെത്തല് രോഗത്തെ നിര്ണയത്തെ കൂടുതല് സങ്കീര്ണമാക്കുന്നുണ്ട്.
പഠന രൂപകല്പ്പനയും പ്രധാന മെറ്റബോളിക് കണ്ടെത്തലുകളും
വടക്കുകിഴക്കന് ഇന്ത്യയില് ആദ്യമായി നടന്ന ഈ പരീക്ഷണ പഠനത്തില് മൂന്ന് ഗ്രൂപ്പുകളില് നിന്നുള്ള രക്ത സാമ്പിളുകളാണ് വിശകലനം ചെയ്തത്. പിത്താശയ കാന്സര് ബാധിച്ചെങ്കിലും പിത്താശയക്കല്ല് ഇല്ലാത്ത രോഗികള്, പിത്താശയക്കല്ലും കാന്സറും ഉള്ളവര്, പിത്താശയക്കല്ല് മാത്രമുള്ള വ്യക്തികള് എന്നിവയെയാണ് വിശകലനം ചെയ്തത്.
നൂതന 'മെറ്റബോളമിക്സ്' വിദ്യ ഉപയോഗിച്ച്, ഗവേഷകര് നൂറുകണക്കിന് മാറ്റം വരുത്തിയ മെറ്റബോളൈറ്റുകളെ തിരിച്ചറിഞ്ഞു. ട്യൂമറിന്റെ വളര്ച്ചയുമായി ബന്ധപ്പെട്ട ബൈല് ആസിഡുകളും അമിനോ അസിഡുകളും ഇവിയില് ഉള്പ്പെടുന്നു. 180 പിത്തസഞ്ചി രഹിത കാന്സര് കേസുകളും 225 പിത്തസഞ്ചി കാന്സര് കേസുകളുമാണ് കണ്ടെത്തിയത്.
സര്ജന്മാര്, പാത്തോളജിസ്റ്റുകള്, ഫാര്മസ്യൂട്ടിക്കല് ശാസ്ത്രജ്ഞര്, മോളിക്യുലാര് ബയോളജിസ്റ്റുകള്, കമ്പ്യൂട്ടേഷണല് ശാസ്ത്രജ്ഞര് എന്നിവരുടെ അഭിപ്രായങ്ങളും ഗവേഷണത്തില് ഉള്പ്പെടുത്തിയിട്ടുണ്ട്.
അസം മെഡിക്കല് കോളേജ് ആന്ഡ് ഹോസ്പിറ്റല്, ഡോ. ബി. ബോറൂഹ് കാന്സര് ഇന്സ്റ്റിറ്റ്യൂട്ട്, സ്വാഗത് സൂപ്പര്-സ്പെഷ്യാലിറ്റി ഹോസ്പിറ്റല് എന്നിവ ക്ലിനിക്കല് പങ്കാളികളില് ഉള്പ്പെടുന്നു.
സഹകരണം, ക്ലിനിക്കല് ഇംപാക്റ്റ്, ഭാവി നിര്ദ്ദേശങ്ങള്
ഇല്ലിനോയിസ് സര്വകലാശാല, ഉര്ബാന-ചാമ്പെയ്ന്, ലഖ്നൗവിലെ സിഎസ്ഐആര്-ഇന്ത്യന് ഇന്സ്റ്റിറ്റ്യൂട്ട് ഓഫ് ടോക്സിക്കോളജി റിസര്ച്ച് എന്നിവ വിശകലനപരവും കമ്പ്യൂട്ടേഷണല് പിന്തുണയും നല്കി.
ലാബിലെ കണ്ടെത്തലുകളെയും ക്ലിനിക്കല് പരിശോധനകളെയും തമ്മില് ബന്ധിപ്പിക്കാന് ഈ ഗവേഷണം സഹായിക്കുമെന്ന് പാതോളജിസ്റ്റ് ഗായത്രി ഗോഗോയ് അഭിപ്രായപ്പെട്ടു. രക്തത്തെ അടിസ്ഥാനമാക്കിയുള്ള തിരിച്ചറിയല് നേരത്തെയുള്ള രോഗനിര്ണയത്തിനും ക്ലിനിക്കല് നടപടികള്ക്കുമുള്ള പ്രായോഗിക പാത ഒരുക്കുന്നതായി gastrointestinal സര്ജന് സുഭാഷ് ഖന്ന അഭിപ്രായപ്പെട്ടു.
ക്ലിനിക്കല് ചികിത്സയിലേക്ക് കൊണ്ടുവരും മുമ്പ് ഒന്നിലധികം കേന്ദ്രങ്ങളിലുള്ള പഠനങ്ങള് ആവശ്യമാണെന്ന് ഗവേഷകര് മുന്നറിയിപ്പ് നല്കുന്നു. എന്നാല് വടക്കുകിഴക്കന് ഇന്ത്യ പോലുള്ള പിത്താശയ ക്യാന്സര് സംബന്ധിച്ച ഹൈ റിസ്ക് പ്രദേശങ്ങളില്, ആക്രമണാത്മകമല്ലാത്ത സ്ക്രീനിംഗ് ഉപകരണങ്ങള് വികസിപ്പിക്കുന്നതിന് ഈ പഠനം ശക്തമായ ശാസ്ത്രീയ അടിത്തറ വാഗ്ദാനം ചെയ്യുന്നുണ്ടെന്നതാണ് യാഥാര്ത്ഥ്യം.