ചാവേറാക്രമണം ഒരു രക്തസാക്ഷിത്വ പ്രവൃത്തിയാണെന്നു അവകാശപ്പെടുന്ന ഡോ. ഉമറിന്റെ വീഡിയോ പുറത്ത്

ന്യൂഡൽഹി: ചെങ്കോട്ടയിൽ ഭീകരാക്രമണം നടത്തിയ ഡോ. ഉമറിന്റെ അതിശയിപ്പിക്കുന്ന വീഡിയോ പുറത്തു വന്നു .വിഡിയോയിൽ ചാവേറാക്രമണത്തെ വളരെയധികം പിന്തുണച്ചുകൊണ്ടാണ് ഉമർ സംസാരിക്കുന്നത്.

ചാവേറാക്രമണം എന്നത് വളരെയധികം തെറ്റിദ്ധരിക്കപ്പെട്ട ഒരു ആശയമാണെന്നും യഥാർത്ഥത്തിൽ ചാവേറാക്രമണം ഒരു രക്തസാക്ഷിത്വ പ്രവൃത്തിയാണെന്നുമാണ് ഉമർ വീഡിയോയിൽ കൂടി സംസാരിക്കുന്നത് .

ചെങ്കോട്ട ഭീകരാക്രമണതിനുമുൻപ് ഉമർ സംസാരിക്കുന്ന വീഡിയോ ആണ് ഇത് .

വിഡിയോയിലുടനീളം ചാവേർ ആക്രമണങ്ങളെ പിന്തുണച്ചു സംസാരിക്കുന്നതുകൊണ്ടുതന്നെ വളരെ നേരത്തെ തന്നെ ചാവേർ ആകാനുള്ള തയ്യാറെടുപ്പുകൾ ഇയാൾ നടത്തിയിരുന്നു എന്നത് വ്യക്തമാണ് .

ചാവേർ ആക്രമണത്തെക്കുറിച്ച് ഒട്ടേറെ വാദങ്ങളും വൈരുദ്ധ്യങ്ങളുമുണ്ടെന്ന് ഡോ. ഉമർ വീഡിയോയിൽ പറയുന്നു.

ഒരു പ്രത്യേകസ്ഥലത്തുവെച്ച് ഒരു പ്രത്യേകസമയത്ത് താൻ മരിക്കുമെന്ന് കരുതി ഒരു വ്യക്തി മരിക്കാൻ പോകുന്നതിനെയാണ് ചാവേർ ആക്രമണം എന്നാണ് ഇയാൾ വീഡിയോയിൽ പറയുന്നത് .

'വൈറ്റ് കോളർ' ഭീകരവാദ മൊഡ്യൂളിലെ പ്രധാന കണ്ണിയായ ഡോ. ഉമർ കൂടുതൽ ആൾക്കാരെ തീവ്രവാദശൃംഖലയിലേക്ക് കൊണ്ടുവരാനും അതിനുവേണ്ടി അവരെ ബ്രെയിൻവാഷ് ചെയ്യുന്നതിനും വേണ്ടിയാണു ഇത്തരത്തിൽ ഒരു വീഡിയോ ചിത്രീകരിച്ചതെന്നാണ് അന്വേഷണ ഉദ്യോഗസ്ഥരുടെ കണ്ടെത്തൽ .