കര്‍ണാടകയില്‍ വോട്ട് വിഹിതം ഉയര്‍ത്തി കോണ്‍ഗ്രസ്

ഇത്തവണ കോണ്‍ഗ്രസിന്റെ വോട്ട് വിഹിതം 45.43 ശതമാനമായി ഉയര്‍ന്നു. 2019 ലെ ലോക്സഭ തെരഞ്ഞെടുപ്പില്‍ 1 സീറ്റ് നേടിയ കോണ്‍ഗ്രസിന് 32 ശതമാനം വോട്ട് മാത്രമാണ് ലഭിച്ചിരുന്നത്. 1,75,54,381 വോട്ടുകളാണ് ഇത്തവണ കോണ്‍ഗ്രസിന് സംസ്ഥാനത്ത് ലഭിച്ചത്. നേരത്തെ രണ്ടക്ക സീറ്റിലേക്ക് എത്താന്‍ കഴിയുമെന്ന് കോണ്‍ഗ്രസ് അവകാശപ്പെട്ടിരുന്നു. ഇതിന് കഴിഞ്ഞില്ലെങ്കിലും സംസ്ഥാനത്ത് വോട്ട് വിഹിതം വര്‍ധിപ്പിക്കാന്‍ കഴിഞ്ഞത് പാര്‍ട്ടിക്ക് ആത്മവിശ്വാസമാവും.അതേസമയം 2019-ലെ ലോക്സഭ തെരഞ്ഞെടുപ്പുമായി താരതമ്യം ചെയ്യുമ്പോള്‍ കോണ്‍ഗ്രസിന് വലിയ മുന്നേറ്റമാണ് ഉണ്ടായത്. കോണ്‍ഗ്രസ്-ജെഡിഎസ് സഖ്യം രൂപീകരിച്ചിരുന്ന 2019ല്‍ കോണ്‍ഗ്രസിന് നേടാനായത് ഒരു സീറ്റ് മാത്രമായിരുന്നു. ബിജെപി 25 സീറ്റുകളും നേടിയിരുന്നു. എന്നാല്‍ ഇത്തവണത്തെ ലോക്സഭ തെരഞ്ഞെടുപ്പില്‍ കോണ്‍ഗ്രസിന് 8 സീറ്റ് കൂടി നേടാനായി. കര്‍ണാടകയില്‍ കോണ്‍ഗ്രസ് വോട്ട് വിഹിതം വര്‍ധിപ്പിച്ചിരിക്കുകയാണ്.