/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/06/30/explosion-tel-2025-06-30-14-10-37.png)
ഹൈദരാബാദ് : ഹൈദരാബാദിനടുത്ത് പഷമൈലാറില്‍ കെമിക്കല്‍ ഫാക്ടറിയിലുണ്ടായ സ്‌ഫോടനത്തില്‍ ആറ് മരണം.20 പേര്‍ക്ക് പരിക്കേറ്റു.സംഗറെഡ്ഡി ജില്ലയിലെ കെമിക്കല്‍ ഫാക്ടറിയില്‍ രാവിലെ 9 മണിയോടെയാണ് സംഭവം നടന്നത്.തീ അണയ്ക്കാന്‍ അഗ്‌നിശമന സേനാംഗങ്ങള്‍ സ്ഥലത്തെത്തി. തീ നിയന്ത്രണവിധേയമാക്കാന്‍ പതിനൊന്ന് ഫയര്‍ എഞ്ചിനുകളാണ് എത്തിയത്.
പരിക്കേറ്റവരെ ആശുപത്രികളിലേക്ക് മാറ്റി.പരിക്കേറ്റവരെ സര്‍ക്കാര്‍, സ്വകാര്യ ആശുപത്രികളില്‍ പ്രവേശിപ്പിച്ചു. പരിക്കേറ്റവരില്‍ ചിലരുടെ നില ഗുരുതരമാണെന്നാണ് റിപ്പോര്‍ട്ട്.ആറ് തൊഴിലാളികള്‍ സംഭവസ്ഥലത്ത് വെച്ച് തന്നെ മരിച്ചു, പരിക്കേറ്റ ഒരു തൊഴിലാളി ആശുപത്രിയില്‍ വെച്ച് മരിച്ചു. മരണം ഇതുവരെ ഉദ്യോഗസ്ഥര്‍ സ്ഥിരീകരിച്ചിട്ടില്ല.സ്‌ഫോടനത്തിന്റെ ആഘാതത്തില്‍ ഫാക്ടറിയിലെ നിര്‍മ്മാണ യൂണിറ്റ് തകര്‍ന്നു, അതേസമയം ഫാക്ടറി വളപ്പിനുള്ളിലെ തൊട്ടടുത്തുള്ള കെട്ടിടത്തിലേക്ക് തീ പടര്‍ന്നു.റിയാക്ടര്‍ പൊട്ടിത്തെറിച്ചപ്പോള്‍ നിരവധി തൊഴിലാളികള്‍ സമീപത്ത് ജോലി ചെയ്യുകയായിരുന്നു. ഒഡീഷ, ഉത്തര്‍പ്രദേശ്, മറ്റ് സംസ്ഥാനങ്ങള്‍ എന്നിവിടങ്ങളില്‍ നിന്നുള്ള കുടിയേറ്റ തൊഴിലാളികളും യൂണിറ്റില്‍ ജോലിചെയ്തിരുന്നു.തകര്‍ന്ന കെട്ടിടത്തിന്റെ അടിയില്‍ കുടുങ്ങിക്കുടക്കുന്ന തൊഴിലാളികളുണ്ടെങ്കില്‍ അവരെ പുറത്തെത്തിക്കാന്‍ മണ്ണുമാന്തി യന്ത്രങ്ങളും ഉപയോഗിച്ച് തിരച്ചില്‍ നടത്തുന്നുണ്ട്.