അനില്‍ അംബാനിക്കെതിരെ ലുക്കൗട്ട് നോട്ടിസ്

ന്യൂഡല്‍ഹി: 3000 കോടി രൂപയുടെ വായ്പാ തട്ടിപ്പ് കേസില്‍ വ്യവസായി അനില്‍ അംബാനിക്കെതിരെ ലുക്കൗട്ട്  നോട്ടിസ് പുറപ്പെടുവിച്ച് എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി). കേസില്‍ ചോദ്യം ചെയ്യലിനായി അനില്‍ അംബാനിക്കു നോട്ടിസ് അയച്ചതിനു പിന്നാലെയാണ് ലുക്കൗട്ട് നോട്ടിസും പുറപ്പെടുവിച്ചത്. ചൊവാഴ്ച ഇ.ഡിക്കു മുന്നില്‍ ഹാജരാകാനാണ് അനില്‍ അംബാനിയോട് ആവശ്യപ്പെട്ടിരിക്കുന്നത്.

നിയമനടപടികളില്‍നിന്നു രക്ഷപ്പെടാതിരിക്കാനാണ് അനില്‍ അംബാനിക്കെതിരെ  ലുക്കൗട്ട്  നോട്ടിസ് പുറപ്പെടുവിച്ചതെന്നാണ് വിവരം. രാജ്യത്തെ എല്ലാ വിമാനത്താവളങ്ങളിലേക്കും തുറമുഖങ്ങളിലേക്കും നോട്ടിസ് അയച്ചിട്ടുണ്ട്. രാജ്യത്തിന് പുറത്തേക്ക് പോകാന്‍ ശ്രമിച്ചാല്‍ കസ്റ്റഡിയിലെടുക്കാനും ഉദ്യോഗസ്ഥര്‍ നിര്‍ദേശം നല്‍കിയിട്ടുണ്ട്.