ജാതി മാറി പ്രേമിച്ചു, അച്ഛൻ മകളെ കൊന്നു

ഗ്വാളിയോർ: സ്വജാതിക്കു പുറത്തുള്ള യുവാവിനെ പ്രണയിച്ച മകളെ പിതാവ് കഴുത്തു ഞെരിച്ചു കൊന്നു. മധ്യമപ്രദേശിലെ ഗ്വാളിയോറിലാണ് സംഭവം.  സ്വജാതിക്കു പുറത്തുള്ള മകളുടെ പ്രണയ ബന്ധത്തെ പിതാവും കുടുംബാംഗങ്ങളും എതിർത്തിരുന്നു. കഴിഞ്ഞ ദിവസം രാത്രി ഇതുമായി ബന്ധപ്പെട്ട് വീട്ടിൽ വച്ച് അച്ഛനും മകളും തമ്മിൽ വഴക്കുണ്ടായി. വാക്കു തർക്കത്തിനിടെ പിതാവ് മകളെ കഴുത്തു ഞെരിച്ചു കൊലപ്പെടുത്തുകയായിരുന്നു. വിവരമറിഞ്ഞ് സ്ഥലത്തെത്തിയ പൊലീസ് പിതാവിനെ കസ്റ്റഡിയിൽ എടുത്തു. സംഭവത്തിൽ വിശദ അന്വേഷണം നടത്തുമെന്ന് പൊലീസ് അറിയിച്ചു.