ഡല്‍ഹിയില്‍ ഫാക്ടറിയിലുണ്ടായ തീപിടുത്തത്തില്‍ സ്ഫോടനം; കെട്ടിടം തകര്‍ന്നു

ന്യൂഡല്‍ഹി: ഇന്ന് പുലര്‍ച്ചെ ഡല്‍ഹിയിലെ ബവാന വ്യാവസായിക മേഖലയിലെ ഫാക്ടറിയിലുണ്ടായ വന്‍ തീപിടുത്തത്തില്‍ ശക്തമായ സ്‌ഫോടനം ഉണ്ടായി ,തുടര്‍ന്ന് കെട്ടിടം തകര്‍ന്നുവീണു.പ്ലാസ്റ്റിക് കുപ്പികള്‍ നിര്‍മ്മിക്കുന്ന ഫാക്ടറിയിലാണ് തീപിടുത്തം ഉണ്ടായത്.  പതിനേഴു അഗ്‌നിശമന സേനാംഗങ്ങള്‍ സ്ഥലത്തെത്തി തീ അണയ്ക്കുകയായിരുന്നു.
സ്‌ഫോടനത്തെ തുടര്‍ന്ന് തകര്‍ന്ന ബഹുനില കെട്ടിടത്തില്‍ നിന്ന് കട്ടിയുള്ള കറുത്ത പുക ഉയരുന്നുണ്ട്, കെട്ടിടത്തിന് മുഴുവന്‍ അഗ്നി ബാധയേറ്റിട്ടുണ്ട്.ആരെങ്കിലും മരിച്ചതായി ഇതുവരെ റിപ്പോര്‍ട്ട് ചെയ്തിട്ടില്ലെന്ന് ഉദ്യോഗസ്ഥര്‍ പറഞ്ഞു.തീപിടിത്തത്തിന് തൊട്ടുപിന്നാലെ ഉണ്ടായ സ്‌ഫോടനം സമീപ പ്രദേശങ്ങളിലെ താമസക്കാരെ പരിഭ്രാന്തരാക്കി, കൂടുതല്‍ സ്‌ഫോടനങ്ങള്‍ ഭയന്ന് നിരവധി നാട്ടുകാര്‍ വീടുകളില്‍ നിന്ന് പുറത്തേക്ക് ഓടി.ചുറ്റും ചിതറിക്കിടക്കുന്ന അവശിഷ്ടങ്ങള്‍ കാരണം രക്ഷാപ്രവര്‍ത്തനത്തിനും നിയന്ത്രണ പ്രവര്‍ത്തനങ്ങള്‍ക്കും ബുദ്ധിമുട്ട് നേരിട്ടതായി അവര്‍ പറഞ്ഞു.തീപിടുത്തത്തിനും തുടര്‍ന്നുള്ള സ്‌ഫോടനത്തിനും കാരണമായത് എന്താണെന്ന് കണ്ടെത്താന്‍ പോലീസ് അന്വേഷണം ആരംഭിച്ചു.
കെട്ടിടത്തിന്റെ ഘടനാപരമായ സമഗ്രതയും സുരക്ഷാ പ്രോട്ടോക്കോളുകള്‍ പാലിച്ചിട്ടുണ്ടോ എന്നും സംബന്ധിച്ച് പരിശോധനകള്‍ നടത്തി വരികെയാണ്.