കുട്ടികൾക്ക് പേപ്പറിൽ ഭക്ഷണം വിളമ്പിയ സംഭവത്തിൽ ബിജെപി മുൻമന്ത്രി റാംനിവാസ് റാവത് സ്കൂളിൽ എത്തി കുട്ടികളോടൊപ്പം ഭക്ഷണം കഴിച്ചു

ഭോപ്പാൽ: മധ്യപ്രദേശിലെ ഷിയോപൂരിൽ കുട്ടികൾക്ക് നിലത്ത് പേപ്പറിട്ട് ഭക്ഷണം വിളമ്പിയ സംഭവത്തിൽബിജെപി നേതാവും മുൻ മന്ത്രിയുമായ റാംനിവാസ് റാവത്ത് സ്കൂളിലെത്തുകയും കുട്ടികൾക്കൊപ്പം ഭക്ഷണം കഴിക്കുകയും ചെയ്തു.

 ഇന്നലെ സ്കൂളിൽ അധികൃതർ സ്റ്റീൽ പ്ലേറ്റ് എത്തിച്ചിരുന്നു. കുട്ടികൾക്കൊപ്പം നിലത്തിരുന്നാണ് മന്ത്രിയും ഭക്ഷണം കഴിച്ചത്.

എസ്ഡിഎമ്മും കുട്ടികൾക്കൊപ്പം ഭക്ഷണം കഴിച്ചു. കുറ്റക്കാരെ എല്ലാവരെയും സസ്പെൻഡ് ചെയ്തെന്നും ശക്തമായ നടപടി ഉറപ്പാക്കുമെന്നും ജില്ലാ വിദ്യാഭ്യാസ ഓഫീസർ അറിയിച്ചു.

വളരെ മോശമായ സാഹചര്യമാണ് ഉണ്ടായത്.

ഒരിക്കലും ഒരു സ്കൂളിൽ നടക്കാൻ പാടില്ലാത്ത വളരെയധികം ദയനീയമായ സംഭവം തന്നെയാണ് ഷിയോപൂരിലെ സ്കൂളിൽ നിന്നും ഉണ്ടായത് .