/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/10/29/myth-2025-10-29-15-56-41.jpg)
പട്‌ന : ബിജെപിയുടെ ഏറ്റവും പ്രായം കുറഞ്ഞ സ്ഥാനാര്‍ത്ഥിയായ മൈഥിലി താക്കൂറിന്റെ ഇലക്ഷന്‍ പ്രചാരണത്തിന് നേരിട്ടത്തി കേന്ദ്ര ആഭ്യന്തരമന്ത്രി അമിത് ഷാ. ദര്‍ഭംഗയിലെ അലിനഗറില്‍ നടന്ന തിരഞ്ഞെടുപ്പ് റാലിയെ അമിത് ഷാ അഭിസംബോധന ചെയ്തു. മിഥിലയുടെ നാട്ടില്‍ നിന്നുമുള്ള നാടോടി ഗായിക മൈഥിലി താക്കൂര്‍ ബീഹാറിന്റെ യശസ്സ് ഉയര്‍ത്തുമെന്ന് അമിത് ഷാ വ്യക്തമാക്കി.
ബീഹാറിന്റെ വാനമ്പാടി അന്തരിച്ച ഗായിക ശാരദ സിന്‍ഹയ്ക്ക് ആദരാഞ്ജലികള്‍ അര്‍പ്പിച്ചുകൊണ്ടാണ് അമിത് ഷാ പ്രസംഗം ആരംഭിച്ചത്. ശാരദ സിന്‍ഹയ്ക്ക് പത്മവിഭൂഷണ്‍ നല്‍കി മിഥിലയിലെ ജനങ്ങളെ മോദി സര്‍ക്കാര്‍ ആദരിച്ചതായും അദ്ദേഹം അറിയിച്ചു. 1995-ല്‍ ലാലു പ്രസാദ് യാദവിന്റെ ഭരണകാലത്ത് ബീഹാര്‍ വിട്ടു പോകേണ്ടി വന്ന നിരവധി കുടുംബങ്ങളില്‍ ഒന്നില്‍ നിന്നുള്ള പ്രശസ്തയായ നാടോടി ഗായികയാണ് 25 വയസുകാരിയായ മൈഥിലി താക്കൂര്‍.
കഴിഞ്ഞ തിരഞ്ഞെടുപ്പില്‍ പത്ത് നിയമസഭാ സീറ്റുകളില്‍ ഒമ്പത് സീറ്റുകള്‍ എന്‍ഡിഎയ്ക്ക് വിട്ടുകൊടുത്തതിന് മിഥിലയിലെ ജനങ്ങളോട് നന്ദി പറയുന്നതായി അമിത് ഷാ വ്യക്തമാക്കി. ഇത്തവണ, നമ്മള്‍ ഒരു സീറ്റ് പോലും വിട്ടുകൊടുക്കരുത്. പത്ത് സീറ്റുകളും എന്‍ഡിഎയ്ക്ക് വിട്ടുകൊടുക്കണം. മിഥിലയുടെ മകളുടെ വിജയം ഉറപ്പാക്കണം. മുന്‍ മുഖ്യമന്ത്രി ലാലു യാദവിന്റെ പാര്‍ട്ടിയോട് മിഥിലയുടെ മകളായ മൈഥിലി താക്കൂര്‍ അലിനഗറില്‍ നിന്ന് വിജയിക്കുകയും ലോകമെമ്പാടും അതിന്റെ യശസ്സ് വര്‍ദ്ധിപ്പിക്കുകയും ചെയ്യുമെന്ന് പറയാന്‍ ആഗ്രഹിക്കുന്നു, എന്നും അമിത് ഷാ അറിയിച്ചു.