മാവോയിസ്റ്റ് ക്യാമ്പ് തകർത്ത് ഗഡ്ചിരോളി പോലീസ്:ആയുധങ്ങളും വെടിക്കോപ്പുകളും പിടിച്ചെടുത്തു

മുംബൈ:മേയ് 12 നാണ് മഹാരാഷ്ട്ര-ഛത്തീസ്ഗഢ് അതിർത്തിക്കടുത്തുള്ള മാവോയിസ്റ്റ് ക്യാമ്പ് ഗഡ്ചിരോളി പോലീസ് തകർത്തത്.രണ്ട് മണിക്കൂർ നീണ്ട വെടിവയ്പ്പിന് ശേഷം ആയുധങ്ങളും വെടിക്കോപ്പുകളും പോലിസ് പിടിച്ചെടുത്തു. മാവോയിസ്റ്റ് ക്യാമ്പും ഒളിത്താവളവും തകർത്ത ഗഡ്ചിരോളി പോലീസ്, ഒരു ഓട്ടോമാറ്റിക് ആയുധം ഇൻസാസ്, ഒരു സിംഗിൾ ഷോട്ട് റൈഫിൾ, നിരവധി വെടിയുണ്ടകൾ, ഡിറ്റണേറ്ററുകൾ എന്നിവയുൾപ്പെടെ ആയുധശേഖരം പിടിച്ചെടുത്തു. ഭംരാഗഢ് ദലാമിലെ ചില ആയുധധാരികളായ മാവോയിസ്റ്റുകൾ കവണ്ടെയ്ക്ക് സമീപമുള്ള മഹാരാഷ്ട്ര-ഛത്തീസ്ഗഢ് അതിർത്തിയിൽ താവളമടിച്ചിട്ടുണ്ടെന്ന രഹസ്യ വിവരം ലഭിച്ചതിന്റെ അടിസ്ഥാനത്തിലാണ് ഞായറാഴ്ച ഗഡ്ചിരോളി പോലീസ് മാവോയിസ്റ്റ് വിരുദ്ധ ഓപ്പറേഷൻ ആസൂത്രണം ചെയ്തത്. ഈ വിവരത്തിന്റെ അടിസ്ഥാനത്തിൽ, ഞായറാഴ്ച വൈകുന്നേരം, അഡീഷണൽ പോലീസ് സൂപ്രണ്ട് എം. രമേശിന്റെ നേതൃത്വത്തിൽ ഏകദേശം 200 ജവാന്മാരെ മാവോയിസ്റ്റുകളെ പിടികൂടാനായി കാട്ടിലേക്ക് അയച്ചു. മൗജ കവണ്ടെയ്ക്ക് സമീപമുള്ള മഹാരാഷ്ട്ര-ഛത്തീസ്ഗഢ് അതിർത്തിയിലെത്തിയ ശേഷം, പ്രത്യേക ദൗത്യ സംഘത്തിലെ ജവാൻമാർ തിരച്ചിൽ ആരംഭിക്കുകയായിരുന്നുവെന്ന് ഉദ്യോഗസ്ഥർ പറഞ്ഞു "തിങ്കളാഴ്ച രാവിലെ, പോലീസ് സംഘം തിരച്ചിൽ നടത്തുന്നതിനിടെ, പോലീസ് സംഘം എത്തിയിട്ടുണ്ടെന്ന് സൂചന ലഭിച്ചപ്പോൾ മാവോയിസ്റ്റുകൾ ജവാൻമാർക്ക് നേരെ വെടിയുതിർക്കാൻ തുടങ്ങി. ആ സമയത്ത് ജവാൻമാർ മാവോയിസ്റ്റുകൾക്ക് നേരെ വെടിയുതിർക്കുകയും ഓടി രക്ഷപെടുകയും ചെയ്തു.എന്നാൽ മാവോയിസ്റ്റ് വിരുദ്ധ ഓപ്പറേഷനിൽ, മാവോയിസ്റ്റുകൾ താവളമടിച്ചിരുന്ന ക്യാമ്പ് പൂർണ്ണമായും നശിപ്പിക്കാൻ ജവാന്മാർക്ക് കഴിഞ്ഞു. സദർ വനമേഖലയിൽ മാവോയിസ്റ്റ് വിരുദ്ധ പ്രചാരണം ശക്തമാക്കാൻ ഗഡ്ചിരോളി പോലീസ് നിർദ്ദേശം നൽകിയിട്ടുണ്ട്," ഉദ്യോഗസ്ഥൻ പറഞ്ഞു.