/kalakaumudi/media/agency_attachments/zz0aZgq8g5bK7UEc9Bb2.png)
ഗുലാം നബി ആസാദ്
ശ്രീനഗര്‍: കോൺഗ്രസ് മുൻ നേതാവും മുൻ കേന്ദ്രമന്ത്രിയുമായ ഗുലാം നബി ആസാദ് ലോക്സഭാ തിരഞ്ഞെടുപ്പിൽ മത്സരിച്ചേക്കും. കശ്മീരിലെ അനന്തനാഗ്- രജൗരി മണ്ഡലത്തിൽ നിന്നാവും ആസാദ് ജനവിധി തേടുക. ആസാദിന്റെ പാര്‍ട്ടിയായ ഡെമോക്രാറ്റിക് പ്രോഗ്രസീവ് ആസാദ് പാര്‍ട്ടി(ഡി.പി.എ.പി) യാണ് തിരഞ്ഞെടുപ്പ് സ്ഥാനാർത്ഥിത്വവുമായി ബന്ധപ്പെട്ട ഔദ്യോഗിക പ്രഖ്യാപനം നടത്തിയത്.
ഡി.പി.എ.പിയുടെ ചെയര്‍മാന്‍ കൂടിയാണ് ഗുലാം നബി ആസാദ്. ചൊവ്വാഴ്ച ചേര്‍ന്ന ഡി.പി.എ.പി വര്‍ക്കിങ് കമ്മിറ്റി മീറ്റിങ്ങിലാണ് സ്ഥാനാർഥിത്വം സംബന്ധിച്ച തീരുമാനമെടുത്തതെന്നും പാര്‍ട്ടിയുടെ മുഖ്യവക്താവ് സല്‍മാന്‍ നിസാമി എക്സില്‍ കുറിച്ചു. കോണ്‍ഗ്രസ് വിട്ട ആസാദ് 2022-ലായിരുന്നു ഗുലാം നബി ആസാദ് (ഡി.പി.എ.പി) എന്ന പാർട്ടി രൂപവത്കരിച്ചത്. 2014 ലെ ലോക്സഭാ തിരഞ്ഞെടുപ്പില്‍ ഉദംപുര്‍ മണ്ഡലത്തില്‍നിന്ന് കോണ്‍ഗ്രസ് ടിക്കറ്റില്‍ മത്സരിച്ചെങ്കിലും ആസാദ് പരാജയപ്പെട്ടിരുന്നു.