ഗുഡി പട് വ 2025: മറാത്തി പുതുവത്സരാഘോഷത്തിനായി ഒരുങ്ങി നഗരം

മുംബൈ:മറാത്തി പുതുവത്സര ദിനമായ ഗുഡി പട് വയിലാണ് 'മുംബൈക്കർ' ഏറെ കാത്തിരിക്കുന്ന പരിപാടികളിലൊന്നായ ശോഭ യാത്ര നടക്കുന്നത്. അന്നേ ദിവസം നഗരത്തിലെങ്ങും ശോഭാ യാത്രകൾ നടക്കാറുണ്ട്.മാർച്ച് 30 നാണ് ഈ വർഷം പുതുവർഷ ആഘോഷം നടക്കുക. എല്ലാ വർഷവും, ശോഭ യാത്ര ആയിരക്കണക്കിന് മുംബൈ നിവാസികളെയും നഗരത്തിലുടനീളമുള്ള ആളുകളെയും ആകർഷിക്കുന്നു. മറാത്തി പുതുവത്സരം അവരുടെ പ്രത്യേക രീതിയിൽ ആഘോഷിക്കുന്നത് കൊണ്ട് തന്നെ വളരെയധികം ജന ശ്രദ്ധ നേടാറുണ്ട്. പങ്കെടുക്കുന്നവർ മനോഹരമായതും വർണ്ണാഭമായതുമായ വസ്ത്രങ്ങൾ ധരിച്ച് എത്തുന്നു.ഗിർഗാവ് ശോഭ യാത്ര റോഡ് ഷോകൾക്കും പേരുകേട്ടതാണ്.യാത്രയിൽ മഹാരാഷ്ട്രയുടെ സംസ്കാരത്തെയും ഗണേശ ചതുർത്ഥി പോലുള്ള സംസ്ഥാനത്ത് ആഘോഷിക്കുന്ന ഉത്സവങ്ങളെയും രാജ്യമെമ്പാടുമുള്ള മറ്റ് ഉത്സവങ്ങളെയും അവർ എടുത്തുകാണിക്കുന്നു. ബൈക്ക് റാലി, പരമ്പരാഗത നൃത്തങ്ങൾ, തെരുവുകളിലെ ഊർജ്ജസ്വലമായ രംഗോലികൾ, പ്രശസ്തമായ ധോൽ-താഷ ബീറ്റുകൾ എന്നിവയുൾപ്പെടെയുള്ള സജീവമായ പരിപാടികൾ ഈ പരിപാടിയിൽ നിറഞ്ഞുനിൽക്കുന്നു.ആഘോഷങ്ങൾ സവിശേഷവും ഉത്സവപരവുമായ രീതിയിലാണ് നടത്തുന്നത്, ആളുകൾ തനതായ വസ്ത്രങ്ങൾ ധരിച്ച് ആഘോഷത്തിൽ പങ്കുചേരുന്നു. പുതുവത്സരം ആഘോഷിക്കാൻ നിരവധി ആളുകൾ നഗരത്തിന്റെ വിവിധ ഭാഗങ്ങളിൽ നിന്നുമാണ് എത്തി ചേരുന്നത്. ഗുഡി പദ്‌വയിലെ പ്രധാന ആകർഷണമായ ഗിർഗാവിൽ നടക്കുന്ന ശോഭ യാത്ര വെറുമൊരു സാംസ്കാരിക പരിപാടി മാത്രമല്ല, പാരമ്പര്യത്തിന്റെയും പ്രദർശനമാണ്. യാത്രയ്ക്കായി സ്ത്രീകൾ പരമ്പരാഗത കസ്ത സാരികളും പുരുഷന്മാർ കുർത്ത-പൈജാമകളും ധരിക്കുന്നത് കാണാം, ഇത് ഉത്സവ അന്തരീക്ഷത്തിന്റെ മാറ്റ് കൂട്ടുന്നു. പങ്കെടുക്കുന്നവർ ഏറ്റവും മികച്ച വസ്ത്രങ്ങൾ ധരിച്ച് പരിപാടിയിൽ പങ്കെടുക്കുന്നു എന്നതും ഇതിന്റെ പ്രത്യകതയാണ്. സ്ത്രീകൾ ഉൾപ്പെടെയുള്ളവർ തങ്ങളുടെ ബൈക്കുകൾ അലങ്കരിക്കുകയും ആഘോഷത്തിൽ ഒരുമിച്ച് സഞ്ചരിക്കുകയും ചെയ്യുന്ന ബൈക്ക് റാലിയാണ് ഈ പരിപാടിയുടെ മറ്റൊരു പ്രത്യേകത. ബൈക്ക് റാലിയോടൊപ്പം പരമ്പരാഗത സംഗീത പ്രകടനമായ ധോൾ-താഷ അന്തരീക്ഷത്തിൽ നിറയുന്നു.മറാത്തി പുതുവത്സരം അവിസ്മരണീയമായി മാറ്റാൻ നാനാ ഭാഗത്തു നിന്നുള്ളവർ ഒന്നിക്കുമ്പോൾ, ജീവിതത്തിന്റെ എല്ലാ തുറകളിൽ നിന്നുമുള്ള ആളുകളും ഇതിൽ ഒരുമിക്കുന്നു എന്നതും മറ്റൊരു സവിശേഷതയാണ്.