കൊതുക് പ്രതിരോധത്തിന് പുതിയ മാര്‍ഗവുമായി ഐഐടി ഡല്‍ഹി

ന്യൂഡൽഹി: കൊതുക് പ്രതിരോധത്തിന് പുതിയ മാർഗം വികസിപ്പിച്ചു ഐഐടി ഡൽഹി.

 തുണികൾ കഴുകുന്നതിന് ഒപ്പം കൊതുക് പ്രതിരോധം എന്നതാണ് ഐഐടിയുടെ ലക്ഷ്യം.

ഡിറ്റർജന്റിൽ അടങ്ങിയ രാസഘടകങ്ങൾ ഉപയോഗിച്ചാണ് കൊതുക് പ്രതിരോധം സാധ്യമാക്കുന്നത്.

ഡിറ്റർജന്റിൽ അടങ്ങിയ ഘടകങ്ങൾ കൊതുകുകൾക്കു ഗന്ധത്തിലൂടെയും രുചിയിലൂടെയും തിരിച്ചറിയാൻ കഴിയുമെന്നും ഗവേഷകർ അവകാശപ്പെട്ടു.

ഐഐടിയിലെ ടെക്‌സ്‌റ്റൈൽ ആൻഡ് ഫൈബർ എൻജിനീയറിങ് വിഭാഗം മേധാവി പ്രൊഫ. ജാവേദ് നബിബക്ഷ ഷെയ്ഖിന്റെ തേതൃത്വത്തിലാണ് ഡിറ്റർജന്റ് വികസിപ്പിക്കുന്നത്.

ഡിറ്റർജന്റിന്റെ പരീക്ഷണം വിജയകരമാണെന്നാണ് അധികൃതർ അവകാശപ്പെടുന്നത്.

ഡിറ്റർജന്റ് കൊണ്ട് കഴുകിയ തുണി കയ്യിൽ കെട്ടിയ ശേഷം കൊതുകുകളെ അടച്ചിട്ട പെട്ടിയിലേക്ക് കൈ കടത്തുന്ന 'ഹാൻഡ്ഇൻകേജ്' രീതിയിൽ പരീക്ഷണം നടത്തിയത്.

ഡിറ്റർജന്റ് ഉപയോഗിച്ച് ഇടയ്ക്കിടെ തുണി അലക്കുന്നത് പ്രതിരോധശേഷി നിലനിർത്താൻ സഹായിക്കും എന്നും ഗവേഷകർ അവകാശപ്പെട്ടു.

 ഉത്പന്നത്തിന്റെ പേറ്റന്റിനായി അപേക്ഷ നൽകിയെന്നും വാണിജ്യാടിസ്ഥാനത്തിൽ അത് ഉടൻ പുറത്തിറങ്ങുമെന്നും ഗവേഷകർ അറിയിച്ചു.