ആദായനികുതി; വിജയ്‌യുടെഹര്‍ജി തള്ളി ഹൈക്കോടതി, ഒന്നരക്കോടി രൂപ പിഴ അടയ്ക്കണം

ചെന്നൈ: ആദായ നികുതിയുമായി ബന്ധപ്പെട്ട കേസില്‍ നടനും ടിവികെ അധ്യക്ഷനുമായ വിജയ്ക്ക് തിരിച്ചടി. ആദായ നികുതി വകുപ്പ് ചുമത്തിയ ഒന്നരക്കോടി രൂപ പിഴ വിജയ് അടയ്ക്കണമെന്ന് മദ്രാസ് ഹൈക്കോടതി ഉത്തരവിട്ടു.

2016-17 വര്‍ഷത്തെ വരുമാനത്തില്‍ 15 കോടി രൂപ റിട്ടേണ്‍സില്‍ കാണിച്ചില്ലെന്നായിരുന്നു കേസ്. പുലി സിനിമയില്‍ നിന്ന് ലഭിച്ച വരുമാനമാണ് മറച്ചുവച്ചത്. ഇതേതുടര്‍ന്ന് ആദായ നികുതി വകുപ്പ് ഒന്നര കോടി രൂപ പിഴ വിധിച്ചിരുന്നു. ഇതിനെതിരെ വിജയ് നല്‍കിയ ഹര്‍ജിയാണ് ഹൈക്കോടതി തള്ളിയത്.