അരവിന്ദ് കെജ്രിവാളിന്റെ അറസ്റ്റ്: മാർച്ച് 31ന് ഇൻഡ്യ സഖ്യത്തിന്റെ പ്രതിഷേധ മഹാറാലി

ഡൽഹി മന്ത്രിയും എ.എ.പി നേതാവുമായ ഗോപാൽ റായ് ആണ് ഇക്കാര്യം അറിയിച്ചത്. ഇൻഡ്യ സഖ്യത്തിലെ മുതിർന്ന നേതാക്കൾ റാലിയിൽ പ​ങ്കെടുക്കും.

author-image
Rajesh T L
Updated On
New Update
arvind kejriwals arrest

Delhi ministers and AAP leaders Atishi Singh, Gopal Rai and Saurabh Bharadwaj with Delhi Congress President Arvinder Singh Lovely and others during a press conference

Listen to this article
0.75x 1x 1.5x
00:00 / 00:00

 

ന്യൂഡൽഹി: മദ്യനയ അഴിമതിക്കേസിൽ ആം ആത്മി പാർട്ടി  മുതിർന്ന നേതാവും ഡൽഹി മുഖ്യമന്ത്രിയുമായ അരവിന്ദ് കെജ്രിവാളിനെ ഇ.ഡി അറസ്റ്റ്​ ചെയ്തതിൽ പ്രതിഷേധ റാലിയുമായി ഇൻഡ്യ സഖ്യം.മാർച്ച് 31നാണ് ഇൻഡ്യ സഖ്യം മെഗാറാലി സംഘടിപ്പിച്ചിരിക്കുന്നത്.ഡൽഹി മന്ത്രിയും എ.എ.പി നേതാവുമായ ഗോപാൽ റായ് ആണ് ഇക്കാര്യം അറിയിച്ചത്. ഇൻഡ്യ സഖ്യത്തിലെ മുതിർന്ന നേതാക്കൾ റാലിയിൽ പ​ങ്കെടുക്കും.

കെജ്രിവാളിന്റെ അറസ്റ്റിൽ ഭരണഘടനയെ സ്നേഹിക്കുകയും ബഹുമാനിക്കുകയും ചെയ്യുന്ന ആളുകൾ രോഷം കൊള്ളുകയാണ്. കെജ്രിവാളിന്റെ മാത്രം കാര്യമല്ല, ഇത് എതിർക്കുന്നവരെ ഒന്നൊന്നായി തുടച്ചുനീക്കാനാണ് ബി.ജെ.പി സർക്കാരിന്റെ ശ്രമമെന്നും ഗോപാൽ റായ് പറഞ്ഞു.

കേന്ദ്ര ​അന്വേഷണഏജൻസികളെ പ്രധാനമന്ത്രി നരേന്ദ്രമോദി ദുരു​പയോഗം ചെയ്യുകയാണ്.

പ്രതിപക്ഷ എം.എൽ.എമാരിൽ ചിലരെ വിലക്കെടുക്കുന്നു. അല്ലാത്തവരെ ഭീഷണിപ്പെടുത്തി പാർട്ടിയിൽ ചേർക്കുന്നു. അതിലും വഴങ്ങാത്തവരെ കള്ളക്കേസുകൾചുമത്തി ജയിലിലടക്കുകയാണെന്നും അദ്ദേഹം കൂട്ടിച്ചേർത്തു. രാജ്യത്തെ വിപ്ലവ സമരങ്ങൾക്ക് വേദിയായ രാംലീല മൈതാനത്തിലാകും റാലിയെന്ന് ഡൽഹി മന്ത്രി സൗരഭ് ഭരദ്വാജ് വ്യക്തമാക്കി.



aap arvind kejriwal Delhi Liquor Policy Scam Case enforcement dirctorate INDIA Bloc