ഇന്‍ഡിഗോ വിമാനത്തിന് ബോംബ് ഭീഷണി

മുംബൈ : ഇന്‍ഡിഗോ വിമാനത്തിന് ബോംബ് ഭീഷണി. മുംബൈയില്‍ നിന്നുള്ള 6 ഇ 762 വിമാനം ഡല്‍ഹിയില്‍ ലാന്‍ഡ് ചെയ്യുന്നതിന് മുന്‍പാണ് ഭീഷണി സന്ദേശം ലഭിച്ചത്. ഇ-മെയില്‍ വഴിയാണ് ഭീഷണി ലഭിച്ചത്. ഉടന്‍ വിമാനത്തിലെ ക്രൂവിനെ അറിയിച്ചു. 

പരിശോധനയില്‍ സംശയാസ്പദമായി ഒന്നും കണ്ടെത്താന്‍ സാധിച്ചില്ലെന്നാണ് വിവരം. പൈലറ്റും എയര്‍ഹോസ്റ്റസുമടക്കം 200 പേരാണ് വിമാനത്തിലുണ്ടായിരുന്നത്. നിലവില്‍ വിമാനത്താവളത്തിന്റെ പ്രവര്‍ത്തനം സാധാരണ നിലയിലാണ്. 

ഇമെയില്‍ ഉറവിടം കണ്ടെത്താന്‍ അന്വേഷണം തുടങ്ങിയതായി ഡല്‍ഹി പൊലീസ് അറിയിച്ചു. നേരത്തെയും സമാനമായ രീതിയില്‍ വിമാനത്തിന് ഭീഷണി സന്ദേശങ്ങള്‍ ലഭിച്ചിരുന്നു.