കുവൈത്ത് തീപ്പിടിത്തം: നടുക്കം രേഖപ്പെടുത്തി വിദേശകാര്യ മന്ത്രി

കുവൈത്ത് തീപ്പിടുത്തത്തില്‍ ഇന്ത്യന്‍ വിദേശകാര്യ മന്ത്രി ഡോ. എസ് ജയശങ്കര്‍ നടുക്കം രേഖപ്പെടുത്തി. കുവൈത്ത് നഗരത്തിലുണ്ടായ തീപിടിത്തത്തിന്റെ വാര്‍ത്ത ഞെട്ടലോടെയാണ് കേട്ടതെന്ന് അദ്ദേഹം എക്‌സ് പോസ്റ്റില്‍ കുറിച്ചു. ഇന്ത്യന്‍ അംബാസഡര്‍ അപകട സ്ഥലത്തേക്ക് പോയതായും കൂടുതല്‍ വിവരങ്ങള്‍ക്കായി കാത്തിരിക്കുന്നുവെന്നും അദ്ദേഹം വ്യക്തമാക്കി.

ദാരുണമായ സംഭവത്തില്‍ ജീവന്‍ നഷ്ടപ്പെട്ടവരുടെ കുടുംബങ്ങളെ അനുശോചനം അറിയിക്കുന്നു. പരിക്കേറ്റവര്‍ നേരത്തെ പൂര്‍ണ സുഖം പ്രാപിക്കട്ടെ എന്ന് ആശംസിക്കുകയും ചെയ്യുന്നു. ഇക്കാര്യത്തില്‍ ബന്ധപ്പെട്ട എല്ലാവര്‍ക്കും ഇന്ത്യന്‍ എംബസി പൂര്‍ണ്ണ സഹായം നല്‍കുമെന്നും ഡോ. എസ് ജയശങ്കര്‍ വ്യക്തമാക്കി.