മനുഭാക്കറിന്റെ അമ്മാവനും മുത്തശ്ശിയും വാഹനാപകടത്തില്‍ മരിച്ചു

ചണ്ഡീഗഡ്: ഷൂട്ടിങ് താരവും ഒളിംപ്യനുമായ മനുഭാക്കറിന്റെ കുടുംബം സഞ്ചരിച്ച സ്‌കൂട്ടര്‍ അപകടത്തില്‍പ്പെട്ട് രണ്ടുപേര്‍ മരിച്ചു. മനുവിന്റെ മുത്തശ്ശിയും അമ്മാവനുമാണ് മരിച്ചത്. ഹരിയാനയിലെ ചര്‍ഖി ദാദ്രിയിലെ ബൈപാസ് റോഡിലായിരുന്നു അപകടം.

കാറുമായി സ്‌കൂട്ടര്‍ കൂട്ടിയിടിക്കുകയായിരുന്നു. അപകടത്തിനു പിന്നാലെ കാര്‍ ഡ്രൈവര്‍ ഓടി രക്ഷപ്പെട്ടു. പാരിസ് ഒളിംപിക്‌സില് രണ്ടു മെഡലുകള്‍ നേടിയ മനു ഭാക്കര്‍ കഴിഞ്ഞയാഴ്ചയാണ് ഖേല്‍രത്‌ന പുരസ്‌കാരം ഏറ്റുവാങ്ങിയത്.