/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/03/14/dM0x5GmIuUtdS0jY6m2V.jpg)
ന്യൂഡല്‍ഹി: പ്രധാനമന്ത്രി നരേന്ദ്ര മോദി അടുത്ത മാസം ശ്രീലങ്ക സന്ദര്‍ശിക്കും. ഊര്‍ജ, തുറമുഖ മേഖലകളിലെ സംയുക്ത പദ്ധതികള്‍ക്ക് അന്തിമരൂപം നല്‍കുകയാണ് മോദിയുടെ സന്ദര്‍ശന ലക്ഷ്യം കഴിഞ്ഞ വര്‍ഷം ശ്രീലങ്കന്‍ പ്രസിഡന്റ് അനുര കുമാര ദിസനായകെയുടെ ഡല്‍ഹി സന്ദര്‍ശന വേളയില്‍ ഉണ്ടാക്കിയ കരാറുകള്‍ക്ക് അന്തിമരൂപം നല്‍കുന്നതിനായാണ് മോദിയുടെ ശ്രീലങ്കാ സന്ദര്‍ശനം. പാര്‍ലമെന്റില്‍ ബജറ്റ് വിഹിത ചര്‍ച്ചയെക്കുറിച്ചുള്ള ചോദ്യത്തിന് മറുപടി നല്‍കുന്നതിനിടെയാണ് ശ്രീലങ്കന്‍ വിദേശകാര്യ മന്ത്രി വിജിത ഹെറാത്ത് ഇക്കാര്യം പറഞ്ഞത്. മോദിയുടെ സന്ദര്‍ശന വേളയില്‍ സാംപൂര്‍ സോളാര്‍ പവര്‍ സ്റ്റേഷന്‍ തുറക്കുന്നതിനു പുറമേ നിരവധി പുതിയ ധാരണാപത്രങ്ങളില്‍ ഒപ്പുവെക്കുമെന്ന് ഹെരാത്ത് പറഞ്ഞു.2023-ല്‍, കിഴക്കന്‍ ട്രിങ്കോമലി ജില്ലയിലെ സാംപൂര്‍ പട്ടണത്തില്‍ 135 മെഗാവാട്ട് സൗരോര്‍ജ്ജ പ്ലാന്റ് നിര്‍മ്മിക്കാന്‍ സംസ്ഥാന വൈദ്യുതി സ്ഥാപനമായ സിലോണ്‍ വൈദ്യുതി ബോര്‍ഡും ഇന്ത്യയുടെ എന്‍ടിപിസിയും സമ്മതിച്ചു.ശ്രീലങ്കന്‍ സര്‍ക്കാരിന്റെ ഇന്ത്യയോടുള്ള സൗഹാര്‍ദ്ദ നയം ദ്വീപ് രാഷ്ട്രത്തിന് നിരവധി നേട്ടങ്ങള്‍ കൈവരുത്തിയിട്ടുണ്ടെന്ന് ഹെറാത്ത് പറഞ്ഞു. അതില്‍ നിരവധി ഇന്ത്യന്‍ പദ്ധതികള്‍ ഉള്‍പ്പെടുന്നു. ദേശീയ താല്‍പ്പര്യം നിലനിര്‍ത്തുന്നതിനായി പ്രവര്‍ത്തിക്കുമ്പോള്‍ ആരുടെയും പക്ഷം പിടിക്കാതെ ഞങ്ങളുടെ വിദേശനയത്തില്‍ നിഷ്പക്ഷത പാലിക്കുമെന്ന് ഹെറാത്ത് പറഞ്ഞു. 2015 ന് ശേഷം ദ്വീപ് രാഷ്ട്രത്തിലേക്കുള്ള മോദിയുടെ നാലാമത്തെ സന്ദര്‍ശനമാണിത്.