റെക്കോര്‍ഡുകള്‍ തുടര്‍ക്കഥയാക്കാന്‍ നിര്‍മല സീതാരാമന്‍

ബജറ്റ് ഫെബ്രുവരി ഒന്നിന് കേന്ദ്ര ധനമന്ത്രി നിര്‍മ്മല സീതാരാമന്‍ അവതരിപ്പിക്കും. ഇന്ത്യയുടെ ചരിത്രത്തില്‍ തന്നെ തുടര്‍ച്ചയായി എട്ട് ബജറ്റുകള്‍ അവതരിപ്പിക്കുന്ന ആദ്യ ധനമന്ത്രിയാണ് നിര്‍മ്മല സീതാരാമന്‍.

author-image
Prana
New Update
nirmala

Nirmala Sitaraman

മൂന്നാം മോദി സര്‍ക്കാരിന്റെ രണ്ടാം ബജറ്റ് ഫെബ്രുവരി ഒന്നിന് കേന്ദ്ര ധനമന്ത്രി നിര്‍മ്മല സീതാരാമന്‍ അവതരിപ്പിക്കും. ഇന്ത്യയുടെ ചരിത്രത്തില്‍ തന്നെ തുടര്‍ച്ചയായി എട്ട് ബജറ്റുകള്‍ അവതരിപ്പിക്കുന്ന ആദ്യ ധനമന്ത്രിയാണ് നിര്‍മ്മല സീതാരാമന്‍. ഏറ്റവും കൂടുതല്‍ ബജറ്റ് അവതരിപ്പിച്ച ധനമന്ത്രിമാര്‍ ആരൊക്കെയാണ് എന്നറിയാം. 2024-25ലെ ബജറ്റ് അവതരിപ്പിച്ചതോടെയാണ് തുടര്‍ച്ചയായി ഏറ്റവും കൂടുതല്‍ ബജറ്റ് അവതരിപ്പിച്ച ധനമന്ത്രി എന്ന റെക്കോര്‍ഡ് നിര്‍മ്മല സീതാരാമനെ തേടിയെത്തിയത്. മൊറാര്‍ജി ദേശായിയുടെ റെക്കോര്‍ഡാണ് നിര്‍മല സീതാരാമന്‍ മറികടന്നത്. അതുവരെ, രാജ്യത്തിന്റെ ചരിത്രത്തില്‍, തുടര്‍ച്ചയായി ഏറ്റവും കൂടുതല്‍ ബജറ്റ് അവതരിപ്പിച്ച റെക്കോര്‍ഡ് 1959 നും 1963 നും ഇടയില്‍ ആറ് ബജറ്റുകള്‍ അവതരിപ്പിച്ച മൊറാര്‍ജി ദേശായിയുടെ പേരിലായിരുന്നു. എന്നാല്‍ ഏറ്റവും കൂടുതല്‍ ബജറ്റ് അവതരിപ്പിച്ച നേട്ടം ഇപ്പോഴും മൊറാര്‍ജി ദേശായിയുടെ പേരിലാണ്. ആകെ 10 ബജറ്റുകളാണ് അദ്ദേഹം അവതരിപ്പിച്ചത്. ഈ നേട്ടം ഇനിയും മറികടക്കാനുണ്ട്. 1959ലാണ് മൊറാര്‍ജി ദേശായി തന്റെ ആദ്യ ബജറ്റ് അവതരിപ്പിക്കുന്നത്, പിന്നീട് അഞ്ച് വര്‍ഷം തുടര്‍ച്ചയായി അഞ്ച് സമ്പൂര്‍ണ ബജറ്റുകളും 1959-നും 1963-നും ഇടയില്‍ ഒരു ഇടക്കാല ബജറ്റും അവതരിപ്പിച്ചു. നാല് വര്‍ഷത്തിന് ശേഷം 1967ല്‍ മറ്റൊരു ഇടക്കാല ബജറ്റും 1967, 1968, 1969,ല്‍ മൂന്ന് സമ്പൂര്‍ണ ബജറ്റുകളും അദ്ദേഹം അവതരിപ്പിച്ചു. ആകെ 10 ബജറ്റുകള്‍ അദ്ദേഹം അവതരിപ്പിച്ചു.
ഏറ്റവും കൂടുതല്‍ ബജറ്റ് അവതരിപ്പിച്ചവരില്‍ രണ്ടാം സ്ഥാനത്ത് ഒമ്പത് തവണ ബജറ്റ് അവതരിപ്പിച്ച മുന്‍ ധനമന്ത്രി പി ചിദംബരമാണ്. ചിദംബരം ആദ്യമായി ബജറ്റ് അവതരിപ്പിക്കുന്നത് 1997ല്‍ പ്രധാനമന്ത്രി എച്ച്.ഡി ദേവഗൗഡയുടെ നേതൃത്വത്തിലുള്ള ഐക്യമുന്നണി സര്‍ക്കാരിന്റെ കാലത്താണ്. 2004 മുതല്‍ 2014 വരെ കോണ്‍ഗ്രസ് നേതൃത്വത്തിലുള്ള യുണൈറ്റഡ് പ്രോഗ്രസീവ് അലയന്‍സ് (യുപിഎ) സര്‍ക്കാരുകളുടെ കാലത്ത്, ആഭ്യന്തര മന്ത്രിയായിരുന്ന മൂന്ന് വര്‍ഷം ഒഴികെ അദ്ദേഹം നിരവധി തവണ ബജറ്റ് അവതരിപ്പിച്ചു. മുന്‍ രാഷ്ട്രപതി പ്രണബ് മുഖര്‍ജി ധനമന്ത്രിയായിരിക്കെ എട്ട് ബജറ്റുകള്‍ അവതരിപ്പിച്ചിട്ടുണ്ട്. ഇന്ത്യന്‍ ചരിത്രത്തിലെ ഏറ്റവും ഉയര്‍ന്ന മൂന്നാമത്തെ ബജറ്റ് അവതരണമാണിത്. 1982ലാണ് പ്രണബ് മുഖര്‍ജി ആദ്യമായി ബജറ്റ് അവതരിപ്പിക്കുന്നത്. അദ്ദേഹത്തിന്റെ അവസാന ബജറ്റ് അവതരണം  2012ലായിരുന്നു. നിലവിലെ കേന്ദ്ര ധനമന്ത്രിയായ നിര്‍മല സീതാരാമന്‍ 2019 ലാണ് ആദ്യ ബജറ്റ് അവതരിപ്പിക്കുന്നത്. 2025ലെ കേന്ദ്ര ബജറ്റ് അവതരണം അവരുടെ തുടര്‍ച്ചയായ എട്ടാമത്തെ ബജറ്റ് അവതരണമാണ്. 

 

nirmala sitharaman