കഫ് സിറപ്പ് ദുരന്തത്തിൽ വീണ്ടും ഒരു മരണം കൂടി .മരണസംഖ്യ 24 ആയി വർധിച്ചു

നാഗ്പൂർ: മധ്യപ്രദേശ് ചിന്ത്വാര ജില്ലയിൽ കഫ് സിറപ്പ് ദുരന്തത്തിൽ ചികിത്സയിലായിരുന്ന ഒരു പെൺകുട്ടി കൂടി മരിച്ചു .

 മധ്യപ്രദേശ് ചിന്ത്വാര സ്വദേശിയായ നാലു വയസ്സുള്ള  പെൺകുട്ടിയാണ് നാഗ്പൂരിലെ ആശുപത്രിയിൽ മരിച്ചത്.

ഇതോടെ ആകെ മരണസംഖ്യ 24 ആയി വർധിച്ചു .

നാഗ്പൂരിലെ ഒരു സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്ന കുട്ടിയാണ് വ്യാഴാഴ്ച രാവിലെ മരണത്തിന് കീഴടങ്ങിയത്. പ്രാഥമിക ചികിത്സകൾക്ക് ശേഷം കുട്ടിയെ മെച്ചപ്പെട്ട ചികിത്സയ്ക്കായി നാഗ്പൂരിലേക്ക് മാറ്റിയിട്ടും കുട്ടിയുടെ ജീവൻ രക്ഷിക്കാനായില്ല

തമിഴ്നാട്ടിൽ ലബോറട്ടറികളിലെ പരിശോധനകളിൽ ഉയർന്ന വിഷാംശമുള്ള രാസവസ്തുവായ ഡൈ എഥിലിൻ ​ഗ്ലൈക്കോളിന്‍റെ സാന്നിധ്യം സ്ഥിതീകരിക്കുകയും ചെയ്തു.

രണ്ട് വയസിൽ താഴെ പ്രായമുള്ള കുട്ടികൾക്ക് ചുമയ്ക്കും ജലദോഷത്തിനും കഫ് സിറപ്പുകളടക്കം നൽകരുതെന്ന് കേന്ദ്ര ആരോ​ഗ്യമന്ത്രാലയം നിർദ്ദേശം നൽകിയിട്ടുണ്ട്.

ആശുപത്രിയിൽ ചികിത്സയിൽ കഴിയുന്ന മറ്റു കുട്ടികളുടെ നില ഇപ്പോഴും അതീവ ഗുരുതരമായി തുടരുകയാണ്.