/kalakaumudi/media/media_files/2025/01/25/2jVF9za0bCvNNXlOeMUr.jpg)
PADMA AWARD
ന്യൂഡല്ഹി: പത്മശ്രീ പുരസ്കാരത്തിന്റെ ആദ്യ ഘട്ട പട്ടിക പ്രഖ്യാപിച്ചു. ആദ്യഘട്ടത്തില് പത്മശ്രീ പുരസ്കാരം നേടിയ 31 പേരുടെ പട്ടികയാണ് ഇന്ന് പുറത്തുവന്നത്.
തമിഴ്നാട്ടില് നിന്നുള്ള വാദ്യ സംഗീതഞ്ജന് വേലു ആശാന്,പാരാ അതലറ്റ് ഹര്വീന്ദ്രര് സിങ്ങ്,കുവൈത്തിലെ യോഗ പരിശീലക ഷെയ്ക എ ജെ അല് സഭാഹാ, നടോടി ഗായിക ബാട്ടുല് ബീഗം,സ്വാതന്ത്രസമര സേനാനി ലീബാ ലോ ബോ സര്ദേശായി എന്നിവര് ഉള്പ്പെടെ 31 പേരാണ് പത്മശ്രീ പുരസ്കാരത്തിന് അര്ഹരായത്. രാഷ്ട്രപതിയുടെ സേനാ മെഡലുകളും പ്രഖ്യാപിച്ചു.
വ്യോമസേനയില് നിന്ന് രണ്ടു മലയാളികള് പരം വിശിഷ്ട സേവാ മെഡലിന് അര്ഹരായി.സതേണ് എയര് കമാന്ഡ് മേധാവി എയര് മാര്ഷല് ബി മണികണ്ഠന് പരം വിശിഷ്ട സേവാ മെഡലും അന്തമാന് നിക്കോബാര് കമാന്ഡ് ഇന് ചീഫ് എയര് മാര്ഷല് സാജു ബാലകൃഷ്ണനും പരം വിശിഷ്ട സേവാ മെഡലും ലഭിക്കും.
കോട്ടയം സ്വദേശിയാണ് എയര് മാര്ഷല് ബി മണികണ്ഠന്.