കുനാൽ കമ്രയ്ക്ക് അർഹതയേക്കാൾ കൂടുതൽ ശ്രദ്ധ ജനങ്ങൾ നൽകുന്നു":മഹാരാഷ്ട്ര മന്ത്രി ഉദയ് സാമന്ത്

മുംബൈ:മഹാരാഷ്ട്ര ഉപമുഖ്യമന്ത്രി ഏക്‌നാഥ് ഷിൻഡെയെ പരിഹസിച്ചതിന്റെ പേരിൽ സ്റ്റാൻഡ്-അപ്പ് കൊമേഡിയൻ കുനാൽ കമ്രയ്‌ക്കെതിരെയുള്ള തർക്കത്തിനിടയിൽ, മഹാരാഷ്ട്ര മന്ത്രി ഉദയ് സാമന്ത് ചൊവ്വാഴ്ചയാണ്‌ തന്റെ അഭിപ്രായം വ്യക്തമാക്കിയത്. 'കുനാൽ കമ്രയ്ക്ക് അർഹതയേക്കാൾ കൂടുതൽ ശ്രദ്ധ ജനങ്ങൾ നൽകുന്നുണ്ട്.അദ്ദേഹം മഹാരാഷ്ട്രയിലേക്ക് വരണം, പോണ്ടിച്ചേരിയിൽ ഇരുന്നുകൊണ്ട് മാത്രം സംസാരിക്കരുത്. അദ്ദേഹം നിരവധി ആളുകൾക്ക് വേണ്ടി മോശമായി സംസാരിച്ചിട്ടുണ്ട്, അദ്ദേഹത്തെ പിന്തുണയ്ക്കുന്നവർ അദ്ദേഹത്തെക്കാൾ വികലരാണ്," സാമന്ത് പറഞ്ഞു. അതേസമയം ദിഷ സാലിയന്റെ ക്കേസിൽ നിന്ന് ജനങ്ങളുടെ ശ്രദ്ധ തിരിക്കാൻ സ്റ്റാൻഡ്-അപ്പ് കൊമേഡിയൻ കുനാൽ കമ്രയ്ക്ക് പണം നൽകിയിട്ടുണ്ടെന്ന് ശിവസേന എംപി നരേഷ് മസ്കെ ചൊവ്വാഴ്ച ആരോപിച്ചു.