ശബരിമല ദർശനം കഴിഞ്ഞു മടങ്ങവേ വാഹനാപകടത്തിൽ തീർത്ഥാടകർ മരിച്ചു

ചെന്നൈ: തമിഴ്‌നാട് രാമനാഥപുരത്ത് കാർ അപകടത്തിൽ നാല് ശബരിമല തീർഥാടകർ അടക്കം അഞ്ച് പേർ മരിച്ചു.

ഏഴ് പേർക്ക് ഗുരുതരമായി പരിക്കേറ്റു. ദർശനം കഴിഞ്ഞ് മടങ്ങിയ ആന്ധ്രാ സ്വദേശികളാണ് അപകടത്തിൽപ്പെട്ടത്.

റോഡിന് സമീപം നിർത്തി ഉറങ്ങുകയായിരുന്ന തീർഥാടകരുടെ വാഹനത്തിലേക്ക് നിയന്ത്രണം വിട്ട മറ്റൊരു കാർ ഇടിച്ചുകയറിയാണ് അപകടം ഉണ്ടായത്.

കീഴക്കരയിൽ നിന്നുള്ള കാർ ഡ്രൈവർ മുഷ്താഖ് അഹമ്മദ് (30), ആന്ധ്രയിൽ നിന്നുള്ള രാമചന്ദ്ര റാവു (55), അപ്പാരാവു നായിഡു (40), ബണ്ടാരു ചന്ദ്രറാവു (42), രാമർ (45)എന്നിവരാണ് മരിച്ചത്.

രാമനാഥപുരം സ്വദേശികൾ സഞ്ചരിച്ച കാർ നിയന്ത്രണം വിട്ട് അയ്യപ്പ തീർത്ഥടകരുടെ കാറിൽ ഇടിക്കുകയായിരുന്നു.

രാമേശ്വരം ക്ഷേത്രത്തിൽ ദർശനത്തിനായാണ് ഇവർ രാമനാഥപുരത്തെത്തിയത്. പുലർച്ചെ മൂന്ന് മണിക്കായിരുന്നു അപകടം.