പ്രധാനമന്ത്രി മോദി സിക്കിമിലും പശ്ചിമ ബംഗാളിലും വികസന പദ്ധതികള്‍ക്ക് ഇന്ന് തുടക്കം കുറിക്കും

ന്യൂഡല്‍ഹി:ഗാങ്‌ടോക്കിലെ പാല്‍ജോര്‍ സ്റ്റേഡിയത്തില്‍ സിക്കിം സംസ്ഥാനമായി രൂപീകൃതമായതിന്റെ 50-ാം വാര്‍ഷികാഘോഷത്തില്‍ പ്രധാനമന്ത്രി നരേന്ദ്ര മോദി പങ്കെടുക്കും.സംസ്ഥാന രൂപീകരണത്തിന്റെ 50 മഹത്തായ വര്‍ഷങ്ങള്‍ ആഘോഷിക്കുന്ന 'സിക്കിം@50 എന്ന പരിപാടിയില്‍ പ്രധാനമന്ത്രി പങ്കെടുക്കും.1975ല്‍ സിക്കിം ഒരു രാജവാഴ്ചയില്‍ നിന്ന് ഇന്ത്യയുടെ 22-ാമത്തെ സംസ്ഥാനമായി മാറിയതിന്റെ ഓര്‍മ്മയ്ക്കായാണ് ഈ പരിപാടി. ഇന്ത്യയിലെ ഏറ്റവും ചെറിയ രണ്ടാമത്തെ സംസ്ഥാനമായ ഈ വടക്കുകിഴക്കന്‍ സംസ്ഥാനത്തിന് 1975 മെയ് 16-ന് പൂര്‍ണ്ണ സംസ്ഥാന പദവി ലഭിച്ചു. സിക്കിമിന്റെ തനതായ വംശീയ സ്വത്വം, സാംസ്‌കാരിക പാരമ്പര്യങ്ങള്‍, ആചാരങ്ങള്‍ എന്നിവയുടെ സംരക്ഷണം ഉറപ്പാക്കുന്ന ഒരു പ്രത്യേക ഭരണഘടനാ സംരക്ഷണത്തോടെയാണ് ഈ പ്രവേശനം നടന്നത് .