/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/12/20/WX0KHv17RC0rBlu08G7c.JPG)
ലഖ്നൗ: വൈദ്യുതി മോഷ്ടിച്ച കേസില് സംഭാല് എംപിക്ക് രണ്ടു കോടിയോളം രൂപ പിഴ. ലോക്സഭാംഗവും സമാജ് വാദി പാര്ട്ടി നേതാവുമായ സിയാ ഉര് റഹ്മാനാണ് വൈദ്യുതി വകുപ്പ് പിഴ ചുമത്തിയത്. 1.91 കോടി രൂപ പിഴ അടയ്ക്കാനാണ് നിര്ദേശിച്ചിട്ടുള്ളത്. കൂടാതെ എംപിയുടെ വസതിയിലേക്കുള്ള വൈദ്യുതി ബന്ധം വിച്ഛേദിക്കുകയും ചെയ്തിട്ടുണ്ട്.
കഴിഞ്ഞ വ്യാഴാഴ്ചയാണ് എംപി സിയാ ഉര് റഹ്മാനെതിരെ പൊലീസ് കേസ് രജിസ്റ്റര് ചെയ്തതു. വൈദ്യുതി മോഷ്ടിച്ചതിന് ഇലക്ട്രിസിറ്റി ആക്റ്റ് 2003 സെക്ഷന് 135 പ്രകാരമനു കുറ്റം ചുമത്തിയിരിക്കുന്നത്. അതേസമയം വീട്ടില് പരിശോധനയ്ക്കെത്തിയ ഉദ്യോഗസ്ഥരെ ഭീഷണിപ്പെടുത്തിയതിന് സിയാ ഉര് റഹ്മാന്റെ പിതാവ് മംലുക്കൂര് റഹ്മാന് ബാര്ഖിനെതിരെയും കേസെടുത്തിട്ടുണ്ട്.
വൈദ്യുതി വകുപ്പ് ഉദ്യോഗസ്ഥര് നടത്തിയ പരിശോധനയിലാണ് മീറ്ററുമായി കണക്ട് ചെയ്യാതെ സിയാ ഉര് റഹ്മാന് വൈദ്യുതി മോഷ്ടിച്ചിരുന്നത് കണ്ടെത്തുന്നത്. എന്ജിനീയര്മാരായ വി കെ ഗംഗല്, അജയ് കുമാര് ശര്മ എന്നിവരെ പരിശോധനയ്ക്കിടെ എംപിയുടെ പിതാവ് അധിക്ഷേപിക്കുകയും ജോലി തടസ്സപ്പെടുത്തുകയും ചെയ്തിരുന്നു.