ഹരിയാനയിൽ കോൺഗ്രസിനെ തോൽപ്പിക്കാൻ അട്ടിമറി നടന്നതായി രാഹുൽ ഗാന്ധി . ഇത് വ്യക്തമാക്കുന്ന കൃത്യമായ തെളിവുകളുമായി അദ്ദേഹം രംഗത്തെത്തി

ദില്ലി: ഹരിയാനയിൽ കോൺഗ്രസിനെ തോൽപ്പിക്കാൻ വലിയ രീതിയിലുള്ള ഗൂഢാലോചനയും അട്ടിമറി ശ്രമവും  നടന്നുവെന്ന് കോൺ​ഗ്രസ് നേതാവ് രാഹുൽ ​ഗാന്ധി ഡൽഹി എഐസിസി ആസ്ഥാനത്ത് വിളിച്ചു ചേർത്ത വാർത്ത സമ്മേളനത്തിൽ പറഞ്ഞു .

ഇവിടെ പറയുന്നത് എല്ലാം വ്യക്തവും  100% സത്യമാണെന്നും ഒരു സംസ്ഥാനത്തെ തന്നെ തട്ടിയെടുത്ത കഥയാണ് ഇവിടെ താൻ പറയാൻപോകുന്നതെന്നും പറഞ്ഞു കൊണ്ടായിരുന്നു രാഹുലിൻ്റെ വാർത്താസമ്മേളനം തുടങ്ങിയത്. 

ഹരിയാനയിൽ മാധ്യമങ്ങളുടെ പ്രവചനം പോലും അട്ടിമറിച്ച ഫലമാണുണ്ടായത്. എല്ലാ എക്സിറ്റ് പോളുകളും കോൺഗ്രസിന് അനുകൂലമായിരുന്നു.

പോസ്റ്റൽ വോട്ടുകളിൽ കോൺഗ്രസിന് മുൻതൂക്കം ഉണ്ടായിരുന്നു.

രാജ്യം മുഴുവൻ തട്ടിപ്പ് നടന്നു. എല്ലാം എക്സിറ് പോൾ ഫലങ്ങളും കോൺഗ്രസ്‌ വിജയം പ്രവചിച്ചു.

 എല്ലാ എക്സിറ്റ് പോളുകളും ഹരിയാനയിൽ കോൺഗ്രസിന് വിജയം പ്രഖ്യാപിച്ചിരുന്നു.

 പോസ്റ്റൽ ബാലറ്റുകളിൽ കോൺഗ്രസ്‌ മുന്നേറ്റമായിരുന്നു. ഹരിയാന ഫലം ഞെട്ടിച്ചു. പോസ്റ്റൽ ബാലറ്റിൽ 73 സീറ്റ് കോൺഗ്രസിനും 17 സീറ്റും ബിജെപിക്കുമായിരുന്നു.

ഹരിയാനയിൽ കോൺഗ്രസിനെ പരാജയപ്പെടുത്താൻ വൻ ഗൂഢാലോചന നടന്നു. ഒരു യുവതി 22 തവണ 10 ബൂത്തുകളിലായി വോട്ട് ചെയ്തുവെന്നും സീമ, സ്വീറ്റി, സരസ്വതി എന്നീ പേരുകളിലാണ് വോട്ട് ചെയ്തതെന്നും രാഹുൽ ​ഗാന്ധി പറഞ്ഞു.

ഇക്കാര്യങ്ങൾ വ്യക്തമാക്കുന്ന കൃത്യമായ  രേഖകൾ പ്രദർശിപ്പിച്ചു കൊണ്ടായിരുന്നു രാഹുൽ ഇക്കാര്യം അവതരിപ്പിച്ചത്.

ഇത് കേന്ദ്രീകൃതമായി നടന്ന ഓപ്പറേഷൻ ആണെന്നും എട്ടു സീറ്റുകളിൽ 22 മുതൽ നാലായിരം വരെ വോട്ടുകളുടെ വ്യത്യാസത്തിലാണ് പോയതെന്നും രാഹുൽ പറഞ്ഞു.

ബ്രസീലിയൻ മോഡലിന്റെ ചിത്രം ഉപയോഗിച്ച് 22 വോട്ടുകൾ ചെയ്തതിന്റെയടക്കം നിരവധി തെളിവുകൾ രാഹുൽ പുറത്തുവിട്ടു .

ബിഹാറിൽ ആദ്യഘട്ട വോട്ടെടുപ്പ് നടക്കാൻ മണിക്കൂറുകൾ മാത്രം ബാക്കിനിൽക്കെയാണ് വോട്ടുക്രമക്കേട് സംബന്ധിച്ച രാഹുലിന്റെ പുതിയ വെളിപ്പെടുത്തൽ.

 വ്യാഴാഴ്ചയാണ് ബിഹാറിൽ ഒന്നാംഘട്ട വോട്ടെടുപ്പ്. 121 മണ്ഡലങ്ങളിൽ 1314 സ്ഥാനാർഥികളാണ് ജനവിധി തേടുന്നത്.

 122 മണ്ഡലങ്ങളിലേക്കുള്ള രണ്ടാംഘട്ട വോട്ടെടുപ്പ് 11-നാണ്. 14-നാണ് ഫലപ്രഖ്യാപനം.