മോദിക്ക് ട്രംപിനെ പേടിയാണെന്നും ഇന്ത്യയുടെ മിക്ക വിഷയങ്ങളിലും തീരുമാനങ്ങൾ എടുക്കാൻ ട്രംപിനെ അനുവദിച്ചു എന്നും രൂക്ഷ വിമർശനവുമായി രാഹുൽ

ദില്ലി : ഇന്ത്യ റഷ്യയിൽ നിന്ന് എണ്ണ വാങ്ങുന്നത് നിർത്തുമെന്ന് പ്രധാനമന്ത്രി നരേന്ദ്ര മോദി തന്നോട്പറഞ്ഞു എന്ന  യുഎസ് പ്രസിഡന്റ് ഡോണാൾഡ് ട്രംപിന്റെ അവകാശവാദത്തിന് പിന്നാലെ മോദിക്കെതിരെ  കടുത്ത രൂക്ഷ വിമർശനവുമായി കോൺഗ്രസ് നേതാവ് രാഹുൽ ഗാന്ധി രംഗത്തെത്തി .

ഇന്ത്യയുടെ മിക്ക  വിഷയങ്ങളിലും തീരുമാനമെടുക്കാൻ മോദി ട്രംപിനെ അനുവദിക്കുന്ന സ്ഥിതിയാണ് ഇപ്പോഴുള്ളതെന്നും രാഹുൽ വിമർശിച്ചു .'പ്രധാനമന്ത്രി മോദി ട്രംപിനെ ഭയക്കുന്നു.

 ഇന്ത്യ, റഷ്യൻ എണ്ണ വാങ്ങില്ലെന്ന് പറയാൻ ട്രംപിനെ അനുവദിച്ചിരിക്കുന്നു. ഇന്ത്യ ട്രംപിനെതിരെ ശക്തമായ ഭാഷയിൽ പ്രതികരിക്കേണ്ടതുണ്ട്. ഇന്ത്യൻ ധനകാര്യമന്ത്രിയുടെ അമേരിക്കൻ സന്ദർശനം റദ്ദാക്കണം.

ഇന്ത്യ റഷ്യൻ എണ്ണ വാങ്ങില്ലെന്ന് തീരുമാനിക്കാനും പ്രഖ്യാപിക്കാനും ട്രംപിനെ അനുവദിക്കരുത്.

 അമേരിക്കയുടെ നേതൃത്വത്തിൽ നടക്കുന്ന ഷാം എൽ-ഷെയ്ഖ് ഉച്ചകോടിയിൽ നിന്നും ഇന്ത്യ പിൻമാറണമെന്നും രാഹുൽ ആവശ്യപ്പെട്ടു.

ട്രംപിന്റെ അവകാശവാദങ്ങളെ തിരുത്താനോ ചോദ്യം ചെയ്യാനോ മോദി തയ്യാറാകുന്നില്ലെന്നും രാഹുൽ ആരോപിച്ചു. വളരെ വിമര്ശനാത്മകമായിട്ടാണ് രാഹുൽ ഇക്കാര്യങ്ങൾ ആരോപിച്ചത് .