/kalakaumudi/media/media_files/2025/01/21/IP4RergQ3UTIuu3zYrRe.jpg)
saifalikhan
മുംബൈ: കുത്തേറ്റ് ചികിത്സയിലായിരുന്ന നടന് സെയ്ഫ് അലി ഖാന് ആശുപത്രി വിട്ടു. ആറു ദിവസത്തെ ആശുപത്രി വാസത്തിനു ശേഷം അദ്ദേഹം ഡിസ്ചാര്ജ് ആയതായി ലീലാവതി ആശുപത്രി അധികൃതര് അറിയിച്ചു.
ബാന്ദ്രയിലെ വസതിയില് അതിക്രമിച്ചു കയറിയ മോഷ്ടാവാണു വ്യാഴാഴ്ച പുലര്ച്ചെ രണ്ടരയോടെ നടനെ കുത്തിയത്. ഗുരുതരമായി പരുക്കേറ്റ താരത്തെ ആശുപത്രിയില് എത്തിച്ചതിനു പിന്നാലെ ശസ്ത്രക്രിയക്ക് വിധേയനാക്കിയിരുന്നു.
അഞ്ച് മണിക്കൂറോളം നീണ്ട ശസ്ത്രക്രിയയാണ് നടന് നടത്തിയത്. രണ്ടു മുറിവുകള് ആഴത്തിലുള്ളതായിരുന്നു. ഭാര്യ കരീന കപൂര്, മകള് സാറാ അലി ഖാന് എന്നിവര് ഉള്പ്പെടെയുള്ള സെയ്ഫിന്റെ കുടുംബാംഗങ്ങള് നടനോടൊപ്പം ആശുപത്രിയിലുണ്ടായിരുന്നു. സെയ്ഫ് അലി ഖാന്റെ മൊഴി പൊലീസ് പിന്നീട് രേഖപ്പെടുത്തിയേക്കും.
മോഷണ ശ്രമത്തിനിടെ നടനെ കുത്തിയ പ്രതി ബംഗ്ലദേശ് സ്വദേശിയാണ്. മുഹമ്മദ് ഷെരീഫുള് ഇസ്ലാം ഷെഹ്സാദ് എന്നയാളാണ് പൊലീസ് പിടിയിലായത്. വിജയ് ദാസ് എന്ന വ്യാജപേരിലാണ് ഇയാള് മുംബൈയില് കഴിഞ്ഞിരുന്നത്.