'കെജ്രിവാൾ ജൂൺ 2 ന് തന്നെ കീഴടങ്ങണം'; ജാമ്യം നീട്ടണമെന്ന  അപേക്ഷ തള്ളി സുപ്രീംകോടതി രജിസ്ട്രി

ഡൽഹി: മദ്യനയ കേസിൽ ഇടക്കാല ജാമ്യം നീട്ടണമെന്ന ഡൽഹി മുഖ്യമന്ത്രി അരവിന്ദ് കെജ്രിവാളിൻറെ അപേക്ഷ അംഗീകരിക്കാതെ സുപ്രീംകോടതി രജിസ്ട്രി. അറസ്റ്റിനെതിരായ ഹർജി വിധി പറയാൻ മാറ്റിയ സാഹചര്യത്തിൽ അപേക്ഷ ലിസ്റ്റ് ചെയ്യാനാകില്ലെന്ന് സുപ്രീംകോടതി രജിസ്ട്രി അറിയിച്ചു.അതിനാൽ ഈ സാഹചര്യത്തിൽ നിലവിൽ ഇടക്കാല ജാമ്യത്തിൽ പുറത്തിറങ്ങിയ അരവിന്ദ് കെജ്രിവാൾ ജൂൺ 2 ന് തന്നെ കീഴടങ്ങണം.സ്ഥിരം ജാമ്യത്തിന് വിചാരണ കോടതിയെ സമീപിക്കാൻ സുപ്രീംകോടതി നേരത്തെ നിർദേശിച്ചിരുന്നു.

ആകെ ഇരുപത്തിയൊന്ന് ദിവസത്തെ ഇടക്കാല ജാമ്യമാണ് കോടതി അliquor policy scam caseരവിന്ദ് കെജ്രിവാളിന് അനുവദിച്ചത്.ലോക്സഭാ തെരഞ്ഞെടുപ്പിൽ ഏഴാം ഘട്ട പോളിംഗ് അവസാനിക്കുന്ന ജൂൺ 1 വരെയായിരുന്നു ഇടക്കാല ജാമ്യത്തിന് അനുമതി.തുടർന്ന് ജൂൺ 2 ന് തിരികെ കീഴടങ്ങണമെന്നും സുപ്രീംകോടതി നിർദ്ദേശിച്ചിരുന്നു.

 തെരഞ്ഞെടുപ്പ് ഫലം വരുന്നത് വരെ ജാമ്യം നൽകണമെന്ന് കെജ്രിവാളിൻറെ അഭിഭാഷകൻ മനു അഭിഷേക് സിംഗ്വി ആവശ്യപ്പെട്ടിരുന്നെങ്കിലും വോട്ടെടുപ്പ് വരെ ജാമ്യം മതിയാകുമെന്നാണ് കോടതിയുടെ നിരീക്ഷണം. ഇഡിയുടെ ശക്തമായ എതിർപ്പ് തള്ളിയാണ് കോടതി കെജ്രിവാളിന് ജാമ്യം നൽകിയത്.