ബിഹാര്‍ നിയമസഭ തെരഞ്ഞെടുപ്പിന്റെ ആദ്യ ഘട്ട വോട്ടെടുപ്പ് നാളെ നടക്കും.

121 മണ്ഡലങ്ങളിലായി 1314 സ്ഥാനാർത്ഥികളാണ് മത്സരരംഗത്തുള്ളത്.രണ്ടാംഘട്ടത്തിൽ 122 മണ്ഡലങ്ങളിൽ വോട്ടെടുപ്പ് നടക്കും. ഇന്ന് നിശബ്ദ പ്രചാരണത്തിന്റെ ദിവസമാണ്.

author-image
Devina
New Update
bihar assembly

പട്‌ന: ബിഹാർ നിയമസഭ തെരഞ്ഞെടുപ്പിന്റെ ആദ്യ ഘട്ട വോട്ടെടുപ്പ് നാളെ നടക്കുന്നു . ഇന്ന് നിശബ്ദ പ്രചാരണത്തിന്റെ ദിവസമാണ്.

പട്ന അടക്കം 18 ജില്ലകളിലെ 121 മണ്ഡലങ്ങളിലാണ് വ്യാഴാഴ്ച വോട്ടെടുപ്പ് നടക്കുക. രണ്ടാംഘട്ട വോട്ടെടുപ്പ് 11 നും വോട്ടെണ്ണൽ 14 നും നടക്കും.

പ്രതിപക്ഷ നേതാവ് തേജസ്വി യാദവ് ( രാഘോപൂർ), ബിജെപി നേതാക്കളും ഉപമുഖ്യമന്ത്രിമാരുമായ സമ്രാട്ട് ചൗധരി ( താരാപൂർ), വിജയ് കുമാർ സിൻഹ ( ലഖിസരായ്) എന്നിവരുടെ മണ്ഡലങ്ങളിൽ നാളെ വോട്ടെടുപ്പ് നടക്കും.

 121 മണ്ഡലങ്ങളിലായി 1314 സ്ഥാനാർത്ഥികളാണ് മത്സരരംഗത്തുള്ളത്.രണ്ടാംഘട്ടത്തിൽ 122 മണ്ഡലങ്ങളിൽ വോട്ടെടുപ്പ് നടക്കും. ഈ മണ്ഡലങ്ങളിൽ ഈ മാസം 9 വരെ പ്രചാരണം നടക്കും.

എൻഡിഎയ്ക്ക് വേണ്ടി പ്രധാനമന്ത്രി നരേന്ദ്രമോദിയും മുഖ്യമന്ത്രി നിതീഷ് കുമാറും പ്രചാരണം നയിക്കുന്നു.

 പ്രതിപക്ഷമായ ഇന്ത്യ സഖ്യത്തിനു വേണ്ടി രാഹുൽഗാന്ധിയും തേജസ്വി യാദവുമാണ് പ്രചാരണത്തിന് നേതൃത്വം നൽകുന്നത്.