ഉല്ലാസ് ആർട്സ് വെൽഫെയർ അസോസിയേഷൻ വനിതാദിനം ആഘോഷിച്ചു

താനെ:ഉല്ലാസ് ആർട്സ് & വെൽഫെയർ അസോസിയേഷന്റെ വനിതാവിഭാഗം ലോക വനിതാദിനം ആഘോഷിച്ചു അസോസിയേഷൻ പ്രസിഡന്റ് സുരേഷ്കുമാർ കൊട്ടാരക്കരയുടെ അധ്യക്ഷതയിൽ നടന്ന സാംസ്കാരിക സമ്മേളനത്തിൽ മുംബൈയിലെ എഴുത്തുകാരിയും സാമൂഹ്യപ്രവർത്തകയുമായ ജ്യോതിലക്ഷി നമ്പ്യാർ മുഖ്യാതിഥി ആയിരുന്നു. തദവസരത്തിൽ സാഹിത്യകാരിയും മുംബൈയിലെ വ്യവസായ പ്രമുഖയുമായ ഡോ.ശശികല പണിക്കരെ ആദരിക്കുകയുണ്ടായി. വനിതാ വിഭാഗം ചെയർപേഴ്സൺ ജയശ്രീ നായർ, കൺവീനർ അനിതാ രാധാകൃഷ്ണൻ, ട്രഷറർ ശ്രീമതി ശോഭ പിള്ള, അസോസിയേഷൻ സെക്രട്ടറി മോഹൻ ജി നായർ, അഡ്വൈസറി ബോർഡ് ചെയർമാൻ വി കെ ദയാനന്ദൻ, മുൻ ലോക കേരള സഭ അംഗം പി കെ ലാലി, മലയാളം മിഷൻ അധ്യാപിക സരസ്വതി നാരായണൻ, പ്രശസ്ത എഴുത്തുകാരൻ മേഘനാദൻ എന്നിവർ ആശംസപ്രസംഗം നടത്തുകയും ചെയ്തു. പ്രസ്തുത പരിപാടിയിൽ അസോസിയേഷന്റെ വനിതാ വിഭാഗവും കുട്ടികളും അവതരിപ്പിച്ച വിവിധ കലാപരിപാടികളും നടക്കുകയുണ്ടായി. ശോഭ പിള്ള നന്ദി രേഖപ്പെടുത്തി. ഷീലാ സുദർശനൻ, കുമാരി അനാമിക സുരേഷ് എന്നിവർ അവതാരകർ ആയിരുന്നു.