വെള്ളക്കെട്ടിനെ തുടർന്ന് കൊങ്കൺ പാതയിൽ ട്രെയിനുകൾ വഴിതിരിച്ചു വിടുന്നു

വെള്ളക്കെട്ടിനെ തുടർന്ന് കൊങ്കൺ പാതയിൽ ട്രെയിനുകൾ വഴിതിരിച്ചു വിടുന്നു. പർനേം തുരങ്കത്തിലാണ് വെള്ളക്കെട്ട് രൂപപ്പെട്ടത്. മംഗലാപുരം വഴി പോകേണ്ട ട്രെയിനുകൾ വഴിതിരിച്ചുവിടാൻ ദക്ഷിണ റെയിൽവെ തീരുമാനിച്ചിരിക്കുന്നത്. നിരവധി ട്രെയിനുകൾ കൊങ്കൺ പാതയിൽ പല സ്റ്റേഷനുകളിലായി പിടിച്ചിട്ടുണ്ട്. ഈ വഴി ഗതാഗതം പുനഃസ്ഥാപിക്കാൻ ഏറെ സമയമെടുക്കുമെന്ന വിലയിരുത്തലിൻ്റെ അടിസ്ഥാനത്തിലാണ് സർവീസുകൾ മാറ്റിയത്.

കുംട സ്റ്റേഷനിലെത്തിയ തിരുനൽവേലി- ജാംനഗർ എക്സ്പ്രസ് പാലക്കാട് വഴി തിരിച്ചുവിട്ടു. എറണാകുളം നിസാമുദ്ദീൻ എക്സ്പ്രസ് ട്രെയിൻ (22655) തലശേരിയിലെത്തിയെങ്കിലും മുന്നോട്ട് പോകാനാവാത്ത സാഹചര്യത്തിൽ ഇതും ഷൊർണൂർ- പാലക്കാട് വഴി തിരിച്ചു വിടാൻ തീരുമാനിച്ചു. കൂടുതൽ ട്രെയിനുകൾ ഇതേ നിലയിൽ വഴിതിരിച്ചു വിടാൻ സാധ്യതയുണ്ടെന്നാണ് ദക്ഷിണ റെയിൽവെ അധികൃതർ അറിയിക്കുന്നത്.

• 19577 – തിരുനൽവേലി ജാംനഗർ എക്സ്പ്രസ്. ഇപ്പോഴുള്ളത് കുംട സ്റ്റേഷനിൽ. ഷൊർണൂർ-ഈറോഡ്-ധർമവാരം-ഗുണ്ടകൽ-റായ്‌ചൂർ-പുണെ-പൻവേൽ വഴി തിരിച്ചുവിട്ടു
  
  
• 16336 – നാഗർകോവിൽ ഗാന്ധിധാം എക്സ്പ്രസ്. ഇപ്പോഴുള്ളത് ഉഡുപ്പി സ്റ്റേഷനിൽ. ഈ ട്രെയിൻ ഷൊർണൂർ – ഈറോഡ് – റായ്‌ചൂർ-പുണെ-പൻവേൽ വഴി തിരിച്ചുവിട്ടു
  
  
• 12283 – എറണാകുളം – നിസാമുദ്ദീൻ എക്സ്പ്രസ്. ഇപ്പോഴുള്ളത് ജൊക്കട്ടെ സ്റ്റേഷനിൽ. ഷൊർണൂർ – ഈറോഡ് – റായ്‌ചൂർ-പുണെ-പൻവേൽ വഴി തിരിച്ചുവിട്ടു
  
  
• 22655 – എറണാകുളം – നിസാമുദ്ദീൻ എക്സ്പ്രസ്. ഇപ്പോഴുള്ളത് തലശേരിയിൽ. ഷൊർണൂർ – ഈറോഡ് – റായ്‌ചൂർ-പുണെ-പൻവേൽ വഴി തിരിച്ചുവിട്ടു
  
  
• 16346 – തിരുവനന്തപുരം ലോകമാന്യ തിലക് എക്സ്പ്രസ് സമയം മാറ്റി. ഇന്ന് വൈകിട്ട് 4.55 ന് പുറപ്പെടുന്ന ട്രെയിൻ ഷൊർണൂർ – ഈറോഡ് – റായ്‌ചൂർ-പുണെ-പൻവേൽ വഴി സർവീസ് നടത്തും.