മണിപ്പൂരിൽ സി.ആർ.പി.എഫിന് നേരെ അജ്ഞാതരുടെ ആക്രമണം; രണ്ട് സൈനികർക്ക് വീരമൃത്യു

ഇംഫാൽ: ലോക്സഭാ തെരഞ്ഞെടു‌പ്പിനിടെ മണിപ്പൂരിൽ സി.ആർ.പി.എഫിന് നേരെ അജ്ഞാതരുടെ ആക്രമണം.ആക്രമണത്തിൽ രണ്ട് സൈനികർ കൊല്ലപ്പെട്ടു.നാല് പേർക്ക് പരിക്കേറ്റിട്ടുണ്ട്.മണിപ്പൂരിലെ നരൻസേനയിൽ ​വെച്ച് ആയുധങ്ങളുമായെത്തിയവർ സി.ആർ.പി.എഫിനു നേരെ ആക്രമണം നടത്തുകയായിരുന്നു.ശനിയാഴ്ച പുലർച്ചെയാണ് സംഭവമുണ്ടായതെന്ന് മണിപ്പൂർ പൊലീസ് അറിയിച്ചു.

പുലർച്ചെ 2.15ഓടെയാണ് ആയുധധാരികളുടെ സംഘം സി.ആർ.പി.എഫിനെ ആക്രമിച്ചത്. ഇവർ അർധസൈനിക വിഭാഗത്തിന് നേരെ ബോംബെറിയുകയും ചെയ്തു. സി.ആർ.പി.എഫിന്റെ ഔട്ട്പോസ്റ്റിനുള്ളിൽ വെച്ചാണ് ബോംബ് പൊട്ടിയത്.സി.ആർ.പി.എഫ് 128 ബറ്റാലിയനിൽപ്പെട്ട അംഗങ്ങളെയാണ് മണിപ്പൂരിലെ ബിഷ്ണാപൂരിലുള്ള നരൻസേനയിൽ വിന്യസിച്ചിരുന്നത്.

കഴിഞ്ഞ കുറേ മാസങ്ങളായി ക​ലാ​പ​ബാ​ധി​ത മേ​ഖ​ല​യാ​യ മ​ണി​പ്പൂ​രി​ൽ ആ​ദ്യ​ഘ​ട്ട വോ​ട്ടെ​ടു​പ്പി​നി​ടെ വി​വി​ധ​യി​ട​ങ്ങ​ളി​ൽ സം​ഘ​ർ​ഷമുണ്ടായിരുന്നു. അ​ക്ര​മി​ക​ളെ പി​രി​ച്ചു​വി​ടാ​ൻ പൊ​ലീ​സി​ന് വെ​ടി​യു​തി​ർ​ക്കേ​ണ്ടി വ​ന്നിരുന്നു. നാ​ലി​ട​ത്ത് നാ​ല് വോ​ട്ടു​യ​ന്ത്ര​ങ്ങ​ൾ അ​ക്ര​മി​ക​ൾ ത​ക​ർ​ത്തിരുന്നു.ഒ​രു ബൂ​ത്തി​ൽ അ​ജ്ഞാ​ത​ർ വോ​ട്ടു​യ​ന്ത്രം അ​ഗ്നി​ക്കി​ര​യാ​ക്കു​ക​യും ചെ​യ്തു.

ഇ​തേ​ത്തു​ട​ർ​ന്ന് ഔ​ട്ട​ർ മ​ണി​പ്പൂ​ർ മ​ണ്ഡ​ല​ത്തി​ലെ ചി​ല ബൂ​ത്തു​ക​ളി​ൽ റീപോളിങ് പ്രഖ്യാപിക്കേണ്ടി വന്നിരുന്നു.ബി​ഷ്ണു​പു​ർ ജി​ല്ല​യി​ലെ ത​മ്‌​ന​പോ​ക്പി​യി​ൽ ആ​യു​ധ​ധാ​രി​ക​ൾ പോ​ളി​ങ് ബൂ​ത്ത് പി​ടി​ച്ചെ​ടു​ക്കാ​ൻ ശ്ര​മം ന​ട​ത്തി. ഇം​ഫാ​ൽ വെ​സ്റ്റ് ജി​ല്ല​യി​ലെ ഉ​റി​പോ​ക്ക്, ഇ​റോ​യി​ഷേം​ബ, കി​യാം​ഗെ എ​ന്നി​വി​ട​ങ്ങ​ളി​ലും സംഘർഷമുണ്ടായിരുന്നു.