2025 സാമ്പത്തിക വര്‍ഷത്തില്‍ രാജ്യത്തിന്റെ യഥാര്‍ത്ഥ ജിഡിപി വളര്‍ച്ച 6.4 ശതമാനം ആണ്

ആളുകളുടെ കൈയ്യില്‍ പണമെത്തിക്കുകയാണ് ആദായനികുതി ഇളവുകള്‍ വഴി സര്‍ക്കാര്‍ ലക്ഷ്യം വച്ചിരിക്കുന്നത്. കൈയ്യില്‍ പണമെത്തിക്കുന്നത് ആളുകളുടെ ഉപഭോഗം വര്‍ധിപ്പിക്കുമെന്നും, ഇതുവഴി വിപണികളിലെ പണത്തിന്റെ നീക്കം വര്‍ധിക്കുമെന്നും വിലയിരുത്തപ്പെടുന്നു.

author-image
Biju
New Update
fea

Rep. Img.

ന്യൂഡല്‍ഹി:  ഇടത്തരക്കാരുടെ സാമ്പത്തിക ഭാരം ലഘൂകരിക്കാന്‍ ലക്ഷ്യമിട്ടുള്ള ആദായനികുതി പരിഷ്‌കാരങ്ങള്‍ ആയിരുന്നു 2025 കേന്ദ്ര ബജറ്റിന്റെ പ്രധാന ആകര്‍ഷണം. എന്നാല്‍ ഒരോ ബജറ്റും അവശേഷിപ്പിക്കുന്ന വില കൂടുന്നതും, കുറയുന്നതുമായ ചില വസ്തുക്കളുണ്ട്. സാധാരണക്കാരെ സംബന്ധിച്ച് ഇക്കാര്യങ്ങള്‍ വളരെ പ്രധാനപ്പെട്ടതുമാണ്. തുടര്‍ച്ചയായ എട്ടാമത് ബജറ്റ അവതരണത്തില്‍ രാജ്യത്തെ സാധാരണക്കാതെ ആകര്‍ഷിക്കാന്‍ ധനമന്ത്രിക്ക് സാധിച്ചുവെന്നാണ് ആദ്യകാല വിലയിരുത്തലുകള്‍ വ്യക്തമാക്കുന്നത്.
ഭൗമരാഷ്ട്രീയ അനിശ്ചിതത്വങ്ങള്‍ക്കും, സാമ്പത്തിക വളര്‍ച്ചാനിരക്ക് നാല് വര്‍ഷത്തെ ഏറ്റവും താഴ്ന്ന നിലയിലേയ്ക്കും നീങ്ങൂന്നതിനിടെയാണ് മോദി സര്‍ക്കാരിന്റെ മൂന്നാം ടേമിലെ രണ്ടാം ബജറ്റ് അവതരിപ്പിച്ചത്. ആഗോള വെല്ലുവിളികള്‍ക്കിടയിലും ഇന്ത്യയുടെ സമ്പദ്വ്യവസ്ഥ ശക്തമായി തുടരുന്നുവെന്ന് ഇന്നലത്തെ സാമ്പത്തിക സര്‍വേയും, ഇന്നത്തെ ബജറ്റും വ്യക്തമാക്കുന്നു.

2025 സാമ്പത്തിക വര്‍ഷത്തില്‍ രാജ്യത്തിന്റെ യഥാര്‍ത്ഥ ജിഡിപി വളര്‍ച്ച 6.4 ശതമാനം ആണ്. 2026 സാമ്പത്തിക വര്‍ഷത്തില്‍ ഇത് 6.3- 6.8% വരെ ആയിരിക്കുമെന്നാണു പ്രവചനം. ഉപഭോക്തൃ ഡിമാന്‍ഡിലെ പോസിറ്റീവ് പ്രവണതയെ സൂചിപ്പിക്കുന്ന സ്വകാര്യ അന്തിമ ഉപഭോഗ ചെലവ്, 2024 സാമ്പത്തിക വര്‍ഷത്തെ 60.3 ശതമാനത്തില്‍ നിന്ന് 2025 സാമ്പത്തിക വര്‍ഷത്തില്‍ 61.8 ശതമാനമായി ഉയരുമെന്ന് സര്‍വേ വ്യക്തമാക്കുന്നു.

ഇനി വില കൂടുന്നതും കുറയുന്നതുമായ കാര്യങ്ങള്‍ നോക്കാം.

വിലകുറയുന്ന കാര്യങ്ങള്‍

    ജീവന്‍ രക്ഷാ മരുന്നുകള്‍
    എല്‍സിഡി, എല്‍ഇഡി ടിവികള്‍
    ഇന്ത്യന്‍ നിര്‍മ്മിത വസ്ത്രങ്ങള്‍
    മൊബൈല്‍ ഫോണുകള്‍
    തുകല്‍ സാധനങ്ങള്‍
    കാന്‍സര്‍ മരുന്നുകള്‍
    മെഡിക്കല്‍ ഉപകരണങ്ങള്‍


വില കൂടുന്നവ

    ഇന്ററാക്ടീവ് ഫ്‌ളാറ്റ് പാനല്‍ ഡിസ്പ്ലേ


ആളുകളുടെ കൈയ്യില്‍ പണമെത്തിക്കുകയാണ് ആദായനികുതി ഇളവുകള്‍ വഴി സര്‍ക്കാര്‍ ലക്ഷ്യം വച്ചിരിക്കുന്നത്. കൈയ്യില്‍ പണമെത്തിക്കുന്നത് ആളുകളുടെ ഉപഭോഗം വര്‍ധിപ്പിക്കുമെന്നും, ഇതുവഴി വിപണികളിലെ പണത്തിന്റെ നീക്കം വര്‍ധിക്കുമെന്നും വിലയിരുത്തപ്പെടുന്നു.

budget