തിരുവനന്തപുരം: രണ്ടു ദിവസത്തെ സന്ദര്ശനത്തിനായി ഉപരാഷ്ട്രപതി ജഗ്ദീപ് ധന്കര് ശനിയാഴ്ച തിരുവനന്തപുരത്തെത്തും. ഇന്ത്യന് ഇന്സ്റ്റ്യൂട്ട് ഓഫ് സ്പേസ് സയന്സ് ആന്റ് ടെക്നോളജിയിലെ പന്ത്രണ്ടാമത് കോണ്വൊക്കേഷനില് മുഖ്യാതിഥിയായി പങ്കെടുക്കാനാണ് ഉപരാഷ്ട്രപതി എത്തുന്നത്. ഭാര്യ സുധേഷ് ധന്കറും അദ്ദേഹത്തിനൊപ്പമുണ്ടാവും.
ശനിയാഴ്ച രാവിലെ 10.55 ന് വ്യോമസേനയുടെ പ്രത്യേക വിമാനത്തില് തിരുവനന്തപുരം വിമാനത്താവളത്തിലെത്തുന്ന ഉപരാഷ്ട്രപതി സംസ്ഥാന സര്ക്കാറിന്റെ ഔദ്യോഗിക സ്വീകരണത്തിന് ശേഷം വലിയമലയിലെ ഐഐഎസ്ടിയില് 11.30 ന് നടക്കുന്ന ബിരുദദാന ചടങ്ങില് പങ്കെടുക്കാനായി പോകും.
ഇതിനു ശേഷം മൂന്ന് മണിയോടെ ഹെലികോപ്റ്ററില് കൊല്ലത്തേക്ക് തിരിക്കും. ഞായറാഴ്ച രാവിലെ 9.45 ഓടെ തിരുവനന്തപുരം വിമാനത്താവളത്തില് നിന്ന് ഡല്ഹിയിലേക്ക് മടങ്ങും.