/kalakaumudi/media/media_files/2025/01/20/5MQP0KCalilFECxM8FzJ.jpg)
Vijayarangaraju
ചെന്നൈ: തെലുങ്ക് നടന് വിജയ രംഗരാജു എന്ന രാജ് കുമാര് ചെന്നൈയിലെ സ്വകാര്യ ആശുപത്രിയില് ഹൃദയാഘാതത്തെ തുടര്ന്ന് അന്തരിച്ചു. സിദ്ദിഖ് ലാല് സംവിധാനം ചെയ്ത വിയറ്റ്നാം കോളനിയിലെ റാവുത്തര് എന്ന വേഷത്തിലൂടെ മലയാളിക്ക് ഏറെ പരിചിതനാണ് വിജയ രംഗരാജു.
70 വയസ്സായിരുന്നു വിജയ രംഗരാജുവിന്.
കഴിഞ്ഞ ആഴ്ച ഹൈദരാബാദില് ഒരു ഷൂട്ടിംഗിനിടെ ഇദ്ദേഹത്തിന് ഹൃദയഘാതം അനുഭവപ്പെട്ടിരുന്നു. തുടര്ന്ന് വിജയ രംഗരാജുവിനെ ചികിത്സയ്ക്കായി ചെന്നൈയിലേക്ക് എത്തിച്ചിരുന്നു. ഇവിടെ ചികില്സയിലായിരിക്കെയാണ് അദ്ദേഹം മരണത്തിന് കീഴടങ്ങി.
അദ്ദേഹത്തിന്റെ അന്ത്യകര്മങ്ങള് ചെന്നൈയില് നടക്കും.വിജയ രംഗരാജുവിന് ദീക്ഷിത, പത്മിനി എന്നീ രണ്ട് പെണ്മക്കളുണ്ട്.
തെലുങ്ക്, മലയാളം ചലച്ചിത്ര രംഗത്ത് ഇദ്ദേഹം ഏറെ വേഷങ്ങള് ചെയ്തിട്ടുണ്ട്. പല സൂപ്പര്താര ചിത്രങ്ങളിലും വില്ലന് സഹനടന് വേഷക്കില് ഇദ്ദേഹം തിളങ്ങി.
വിയറ്റ്നാം കോളനിയിലെ റാവുത്തര് വേഷം ഏറെ ശ്രദ്ധേയമായിരുന്നു. തെലുങ്കില് ഗോപിചന്ദിന്റെ യജ്ഞം എന്ന ചിത്രത്തിലെ വേഷം ഏറെ ശ്രദ്ധേയമാണ്.