/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/Ky8NjKZFGsUZquOXEryh.JPG)
Ronaldo in tears after Al-Nassr's heartbroken defeat to Al-Hilal
റിയാദ് : കിങ്‌സ് കപ്പില്‍ റൊണാള്‍ഡോയ്ക്കും അല്‍ നസറിനും തോല്‍വി. ജിദ്ദയിലെ കിങ് അബ്ദുല്ല സ്റ്റേഡിയത്തില്‍ നടന്ന ഫൈനലില്‍ സഡന്‍ ഡെത്തിലാണ് അല്‍ നസര്‍ അല്‍ ഹിലാലിനോട് അടിയറവു പറഞ്ഞത്. മത്സരം കൈവിട്ടുപോയതില്‍ അതിയായ വിഷമമായിരുന്നു റൊണാള്‍ഡോയ്ക്ക്. പൊട്ടികരഞ്ഞുകൊണ്ടാണ് റൊണാള്‍ഡോ കളം വിട്ടത്. 2023-24 സീസണില്‍ കിരീടമില്ലാതെ അല്‍ നസറിന് മടങ്ങേണ്ടി വന്നു.
ആവേശം നിറഞ്ഞ കലാശപ്പോരിന്റെ നിശ്ചിത സമയത്തില്‍ ഇരുടീമുകളും ഓരോ ഗോളടിച്ച് പിരിഞ്ഞു. മത്സരത്തിന്റെ ഏഴാം മിനിറ്റില്‍ അലെക്സാണ്ടര്‍ മിട്രോവിച്ചിലൂടെ അല്‍ ഹിലാല്‍ ലീഡെടുക്കുകയായിരുന്നു. 88-ാം മിനിറ്റിലാണ് അല്‍ നസറിന്റെ സമനില ഗോള്‍ വരുന്നത്. അയ്മന്‍ യഹിയയാണ് അല്‍ നസറിനെ ഒപ്പമെത്തിച്ചത്. ഇതിനിടെ ക്രിസ്റ്റ്യാനോ റൊണാള്‍ഡോ ബൈസിക്കിള്‍ കിക്കിലൂടെ ആരാധകരെ ആവേശത്തിലെത്തിച്ചെങ്കിലും ഗോളായില്ല.
56-ാം മിനിറ്റില്‍ അല്‍ നസറിന്റെ ഗോള്‍ കീപ്പര്‍ ഒസ്പിന റെഡ് കാര്‍ഡ് കണ്ട് പുറത്തുപോവേണ്ടി വന്നു. ഇതോടെ അല്‍ നസര്‍ പത്ത് പേരായി ചുരുങ്ങി. അതിനു ശേഷം പൊനാല്‍റ്റി ഷൂട്ട്ഔട്ടില്‍ നാലിനെതിരെ അഞ്ച് ഗോളുകള്‍ക്ക് അല്‍ഹിലാല്‍ കിരീടം നേടി