/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/08/15/teran-2025-08-15-22-05-18.jpg)
ലണ്ടന്‍: പ്രീമിയര്‍ ലീഗ് ഓപ്പണറില്‍ ആസ്റ്റണ്‍ വില്ലക്കെതിരെ ശനിയാഴ്ച നടക്കാനിരിക്കുന്ന മത്സരത്തില്‍ ന്യൂകാസില്‍ യുണൈറ്റഡ് ടീമിലെ പ്രധാന സ്‌ട്രൈക്കറായ അലക്‌സാണ്ടര്‍ ഇസാക്ക് (അഹലഃമിറലൃ കമെസ) ഉണ്ടാകില്ല എന്ന് പരിശീലകന്‍ എഡി ഹോ പറഞ്ഞു. താരത്തിനെ സ്വന്തമാക്കാന്‍ ലിവര്‍പൂള്‍ ശ്രമിക്കവെ ആണ് താരം സ്‌ക്വാഡിന് പുറത്തിരിക്കുന്നത്.
പ്രീസീസണിലും ഇസാക് ന്യൂകാസിലിനായി കളിച്ചിരുന്നില്ല. ക്ലബ് വിടാന്‍ തന്നെയാണ് താരത്തിന്റെ തീരുമാനം. ആഴ്‌സണല്‍, അത്ലറ്റിക്കോ മാഡ്രിഡ് തുടങ്ങിയ ക്ലബ്ബുകളുമായുള്ള സന്നാഹമത്സരങ്ങളില്‍ ഒരു വിജയം പോലും നേടാന്‍ ന്യൂകാസിലിന് സാധിച്ചിരുന്നില്ല.
കഴിഞ്ഞ സീസണില്‍ എല്ലാ മത്സരങ്ങളിലും നിന്നായി 23 ഗോളുകള്‍ നേടി ന്യൂകാസിലിനെ ആദ്യ നാല് സ്ഥാനങ്ങളില്‍ എത്തിക്കുന്നതില്‍ പ്രധാന പങ്കുവഹിച്ച താരമാണ് ഇസാക്ക്. 110 മില്യന്റെ ലിവര്‍പൂളിന്റെ ആദ്യ ബിഡ് ന്യൂകാസില്‍ നിരസിച്ചിരുന്നു. ട്രാന്‍സ്ഫര്‍ വിന്‍ഫോ അവസാനിക്കും മുമ്പ് ഇസാക് ലിവര്‍പൂളില്‍ എത്തും എന്ന് തന്നെയാണ് പ്രതീക്ഷ.